މޫސުމާބެހޭ ގައުމީ އިދާރާ (މެޓް) އިން މިއަދު އުތުރާއި މެދުރާއްޖެތެރޭގެ ރަށްތަކަށް ރީނދޫ ސަމާލެއް ނެރެފިއެވެ. މި ސަމާލު ނެރެފައިވަނީ ބޯކޮށް ވާރޭވެހި، ގުގުރާނެކަމަށް ލަފާކުރެވޭތީއެވެ. އަދި ވިލާގަނޑުގައި ގަޑިއަކު 40 މޭލުގެ ބާރުމިނުގައި ވައި ޖެހޭނެކަމަށް ވެސް ލަފާކުރެވެއެވެ.
މިއަދުގެ 15:30 އިން 19:30 އަށް ދެމިގެންދާނެ މި ސަމާލު ނެރެފައިވަނީ ހއ. އަތޮޅުން ފެށިގެން ވ. އަތޮޅާ ހަމައަށެވެ. މީގެއިތުރުން، ކުރިއަށް އޮތް ފަސް ދުވަހުގެ ތެރޭގައި ރާއްޖޭގެ އެކި ސަރަހައްދުތަކަށް ބޯކޮށް ވާރޭވެހި، ވައިގަދަވެ، އަދި ކަނޑުތައް ގަދަވެ އުދައަރާނެކަމަށް މެޓް އޮފީހުން ލަފާކޮށްފައިވެއެވެ.
މި ހާލަތާ ގުޅިގެން، ކަނޑުދަތުރުފަތުރު ކުރާ ފަރާތްތަކުން މޫސުމަށް ޚާއްސަ ސަމާލުކަމެއް ދިނުމަށް މެޓް އޮފީހުން އިލްތިމާސްކޮށްފައިވެއެވެ.
