އުއްތަމަ ފަނޑިޔާރު އަހުމަދު މުއުތަސިމް އަދުނާނުގެ މައިބަދަ އަށް ލިބުނު އަނިޔާއަކާ ގުޅިގެން އެޑްމިޓްކޮށްގެން ފަރުވާދޭން ފަށައިފިއެވެ.
އެނގިފައިވާ ގޮތުގައި މި އަނިޔާ އެމަނިކުފާނަށް ލިބިވަޑައިގަތި ބ. ފުޅަދޫގައި ޗުއްޓީ ހޭދަކުރައްވަނިކޮށެވެ.
އެހެންވެ، ރޭގައި އެމަޖެންސީކޮށް މާލެ ގެނެސް ދަރުމަވަންތަ ހޮސްޕިޓަލްގައި އެޑްމިޓްކޮށްގެން ދަނީ ފަރުވާދެމުންނެވެ.
ސުޕްރީމް ކޯޓު މިވަގުތު އޮތީ ރިސެސްގައެވެ. އެ ކޯޓުގެ މަސައްކަތްތައް ދެން ފަށާނީ އަންނަ މަހުއެވެ.
އުއްތަމަ ފަނޑިޔާރުގެ ސިއްހީ ހާލުކޮޅާ ގުޅޭ ގޮތުން އެ ކޯޓުން އަދި ވަކި އެއްޗެއް ނުބުނެއެވެ.
