މިފަހަރުގެ ރިޔާސީ އިންތިޚާބު ކާމިޔާބު ކާމިޔާބު ކުރެއްވުމާއެކު، އެމެރިކާގެ ތާރީޚުގައި، ޖެހިޖެހިގެން ނޫން ގޮތުގަ ދެދައުރު އެމެރިކާގެ ރައީސްކަން ކުރައްވާ ދެވަނަ ރައީސް ކަމުގައި ޓްރަމްޕް ވެވަޑައިގެންފިއެވެ.
މީގެ ކުރިން ޓްރަމްޕް އެމެރިކާގެ ރައީސްކަމަށް އިންތިޚާބު ވެވަޑައިގަތީ، 2018 ވަނަ އަހަރު ބޭއްވުނު އެމެރިކާގެ ރިޔާސީ އިންތިޚާބު ކާމިޔާބު ކުރައްވާ އެމެރިކާގެ 45 ވަނަ ރައީސްގެ ގޮތުގައެވެ. ޖެހިގެން އައި 2020 ވަނަ އަަހަރުގެ ރިޔާސީ އިންތިޚާބުގައި މިހާރުގެ ރައީސް ޖޯ ބައިޑްންއާ ވާދަކުރައްވާ ޓަރަމްޕް ބަލިވެވަޑައިގަތުމަށްފަހު އޭނާވަނީ ދެ ފަހަރެއްގެ މަތިން އިމްޕީސްވެސް ކޮށްފައެވެ. އަދި އެއަށްފަހު ޓްރަމްޕްގެ މައްޗަށް އެތައް ދައުވާތަކެއް އުފުލި، އެމެރިކާގެ ކޯޓުތަކުގައި މިހާރުވެސް އެ ދައުވާތައް ދަނީ ކުރިޔަށެވެ.
އެހެންނަމަވެސް އޭގެ 4 އަހަރު ފަހު، މިއަދު ބޭއްވިގެންދިޔަ އެމެރިކާގެ ރިޔާސީ އިންތިޚާބު އެމެރިކާގެ މިހާރުގެ ނައިބު ރައީސް ކާމަލާ ހެރިސް ބަލިކޮށް، ޓަރަމްޕް އެމެރިކާގެ ރިޔާސީ އިންތިޚާބު ކާމިޔާބު ކުރެއްވުމާއެކު، މިއީ ޓްރަމްޕް އެމެރިކާގެ ރައީސްކަމަށް ވަޑައިގަންނަވާ ދެވަނަ ފަހަރެވެ. އަދި ޓްރަމްޕް ވެވަޑައިގަންނަވާނީ އެމެރިކާގެ 47 ވަނަ ރައީސް ކަމުގައެވެ.
ޖެހިޖެހިގެން ނޫން ގޮތުގަ އެމެރިކާގެ ރައީސް ޓްރަމްޕް ފިޔަވާ ކުރައްވާފައިވަނީ ގްރޯވަރ ކްލީވްލެންޑް އެވެ. އޭނާ ވައިޓް ހައުސްގައި ދެ ދައުރު (1885-1889 އަދި 1893-1897) ހޭދަކުރެއްވިއެވެ. އޭނާ ވެވަޑައިގަތީ އެމެރިކާގެ 22 ވަނަ އަދި 24 ވަނަ ރައީސް ކަމުގައެވެ.
