ބޭންކް އޮފް މޯލްޑިވްސް (ބީއެމްއެލް) އިން ރާއްޖޭގެ އެކި ސަރަޙައްދުތަކުގައި ދިރިއުޅޭ 14 އަހަރާއި 17 އަހަރާ ދެމެދުގެ 300 ކުދިންނަށް ބައިސިކަލު ހަދިޔާކޮށްފިއެވެ.
މި ޕްރޮގްރާމަކީ ޒުވާނުންގެ މެދުގައި ދުޅަހެޔޮ ދިރިއުޅުމެއް އާދަކުރުވުމާއި ތިމާވެއްޓާ ރައްޓެހި ދަތުރުފަތުރުގެ ވަސީލަތްތައް ބޭނުންކުރުމަށް ހިތްވަރުދިނުމަށް ބޭންކުން ހިންގި ޕްރޮގްރާމެކެވެ.
މި ޕްރޮގްރާމް ކުރިއަށް ގެންދިޔައީ ރާއްޖޭގެ 6 ޖަމްއިއްޔާއެއް މެދުވެރިކޮށެވެ. މިގޮތުން ހއ. ދިއްދޫގައި ދިއްދޫ ކުރިމަގު، ބ. އޭދަފުށީގައި ވެސްޓް ވިންގްސް، ކ. މާފުށީގައި ސްޓާ ސްޕޯޓްސް ކްލަބް، ނ. މަނަދޫގައި ޗެސްޓާ، މ. މުލަކުގައި ކޮމިއުނިޓީ އެމްޕަވާމެންޓް ލިންކޭޖް އަދި ވިލިމާލޭގައި ސޭވް ދަ ބީޗް މެދުވެރިކޮށް ބައިސިކަލުތައް ކުދިންނާ ހަމައަށް ފޯރުކޮށްދީފައިވެއެވެ.
