މީޑިއާ ކައުންސިލްގެ މެންބަރު ކަމަށް ކުރިމަތިލުމުގެ ފުރުސަތު އަލުން ހުޅުވާލައިފިއެވެ. މިކަމަށް ފުރަތަމަ ދެވުނު މުއްދަތު ހަމަވިއިރު، މީޑިއާތަކުން ހޮވާ ހަތް މެންބަރުންގެ މަޤާމަށް އަށް ބޭފުޅަކު ވަނީ ކުރިމަތިލައްވާފައެވެ.
ޔޫތު މިނިސްޓްރީން މިއަދު ނެރުނު އިޢުލާނުގައި ބަޔާންކޮށްފައިވާ ގޮތުގައި، މީޑިއާ ކައުންސިލްގެ ދިހަ މެންބަރުންގެ މުއްދަތު ހަމަވާތީ، އިތުރު ފަރާތްތަކަށް ކުރިމަތިލުމުގެ ފުރުސަތު މި މަހުގެ 29 އަށް އިތުރުކޮށްދީފައިވެއެވެ. އެހެންނަމަވެސް މީގެ ކުރިން ފޯމު ހުށަހަޅުއްވާފައިވާ ފަރާތްތަކުން އަލުން ފޯމު ހުށަހަޅަން ނުޖެހޭނެއެވެ. އަދި ވޯޓުލުމުގެ މުއްދަތުވެސް މި މަހުގެ 30 ވަނަ ދުވަހުގެ މެންދުރު 2:00 އަށް ވަނީ އިތުރުކޮށްދީފައެވެ.
މީޑިއާ ކައުންސިލަކީ މީޑިއާތަކުން އިންތިޚާބުކުރާ އަށް މެންބަރުންނާއި އާންމުންގެ ތެރެއިން އިންތިޚާބުކުރާ ހަތް މެންބަރުން ހިމެނޭ ކައުންސިލެކެވެ. މި ކައުންސިލްގެ މެންބަރުންގެ ދައުރަކީ ދެ އަހަރު ދުވަހެވެ.
