ފިޝަރީޒް މިނިސްޓްރީން މިއަދު މިފްކޯއާއެކު އައިސް ޕްލާންޓްތައް ހަވާލުކުރުމާ ބެހޭ އެއްބަސްވުމެއްގައި މިއަދު ސޮއި ކޮށްފިއެވެ. މި އެއްބަސްވުމުގެ ދަށުން ދ. މީދޫ، ބަނޑިދޫ އަދި ށ. ފުނަދޫގައި އައިސްޕްލާންޓްތަކެއް ޤާއިމުކުރެވޭނެއެވެ. މި އެއްބަސްވުމުގައި ސޮއި ކުރެއްވީ މިނިސްޓްރީގެ ފަރާތުން ޑިރެކްޓަރ ޖެނެރަލް އީނާސް ނަސީރު އަދި މިފްކޯގެ ފަރާތުން ޗީފް ފައިނޭންޝަލް އޮފިސަރ އިލްޔާސް ޙަނީފްއެވެ.
ފިބަރީޒް މިނިސްޓްރީން ހާމަކުރި ގޮތުގައި، މި މަޝްރޫޢުގެ ދަށުން އެޅޭ ކޮންމެ އައިސްޕްލާންޓަކުން ދުވާލަކު 30 ޓަނުގެ އައިސް އުފެއްދޭނެއެވެ. އަދި ކޮންމެ ޕްލާންޓަކާއެކު 50 ޓަނުގެ އައިސް ރައްކާކުރެވޭނެ ސްޓޯރޭޖެއްވެސް ޤާއިމުކުރެވޭނެއެވެ. މި ތިން އައިސްޕްލާންޓް ނިމުމުން، ޖުމްލަ ދުވާލަކު 80 ޓަނުގެ އައިސް އުފެއްދުމުގެ ޤާބިލުކަން ލިބިގެންދާނެކަމަށް މިނިސްޓްރީން ފާހަގަކުރިއެވެ.
މީގެ އިތުރުން، މި އައިސްޕްލާންޓްތައް ޤާއިމުކުރުމަކީ ސަރުކާރުން މަސްވެރިކަމުގެ ދާއިރާ ކުރިއެރުވުމަށް ކުރަމުންދާ މަސައްކަތްތަކުގެ ތެރެއިން އެއް މުހިންމު މަސައްކަތްކަމުގައިވެސް މިނިސްޓްރީން ބަޔާންކޮށްފައިވެއެވެ.
