ހަގީގީ ހާދިސާތަކަކަށް ބިނާކޮށް ސެޓާން ސްޓޫޑިއޯ އާއި ކިޑް ޕްރޮޑަކްޝަނުން ގެނެސްދޭ ފިލްމު "ކަމަނާ" ގައި ލީޑުން ފެނިގެންދާ ބަތަލާ މަރިޔަމް އައްޒަ ފެންނާނެ ގޮތުގެ ފަސްޓްލުކް ޕޯސްޓަރެއް އާންމުކޮށްފި އެވެ.
ގެވެށިއަނިޔާގެ ހަގީގީ ހާދިސާތަކެއްގެ މައްޗަށް ބިނާކޮށް ހަދާފައިވާ ފިލްމުގައި އައްޒަ ކުޅެފައި ވަނީ ޓައިޓްލް ރޯލެވެ.މި ފިލްމު އޮލިމްޕަސް ގައި އެޅުވުމަށް ހަމަޖެހިފައިވަނީ އަންނަ އޯގަސްޓް މަހުގައިއެވެ. "ކަމަނާ" އަކީ މަހުދީގެ ސްކްރީންޕްލޭއަކަށް ހުސައިން ޑައިރެކްޓްކުރި ތިން ވަނަ ފިލްމެވެ. އަނެއް ދެ ފިލްމަކީ 2011 ގެ "ސަޒާ" އާއި 2013 ގެ "ދިލަކަނި" އެވެ.
View this post on Instagram
އޮގަސްޓް 27 ގައި ޕްރީމިއާކުރަން ހަމަޖެހިފައިވާ "ކަމަނާ" ގެ މައިގަނޑު ކާސްޓްގައި ހިމެނެނީ މަރިޔަމް އައްޒަ އާއި ޔޫސުފް ޝަފީއު (ޔޫއްޕެ) ގެ އިތުރުން އައިމިނަތު ރަޝްފާ (އާޝާ) އެވެ. އިތުރު ކާސްޓުންގެ ތެރޭގައި މުހައްމަދު މަނިކު، އަހުމަދު ނިމާލު، މުހައްމަދ ރަޝީދު (ދަރާ) އަދި ނަތާޝާ ޖަލީލު ހިމެނެ އެވެ.
މި އަހަރުގެ އެންމެ އުންމީދީ ފިލްމުތަކުގެ ތެރޭގައި ހިމެނޭ މި ފިލްމަކީ "ހައްދު" އާއި "ވިޝްކާ" ފަދަ މަގުބޫލު ފިލްމުތަކުގެ ސްކްރީން ރައިޓަރު މަހުދީ އަހުމަދު އަހުމަދުގެ ސްކްރީންޕްލޭއަށް ހުސައިން މުނައްވަރު (ހުސައިން ކިޑް) ޑައިރެކްޓްކޮށްފައިވާ އަސަރު ގަދަ ލޯބީގެ ވާހަކައެއްގެ ތެރެއިން ގެވެށިއަނިޔާގެ ހިތްދަތި ހާދިސާތަކެއް ދައްކުވައި ދޭނެ ފިލްމެކެވެ.
