ޑާކް ރެއިން އެންޓަޓައިންމަންޓުން އެމީހުންގެ ކުރިއަށް އޮތް ފިލްމް އިއުލާން ކޮށްފިއެވެ.
އެ ސްޓޫޑީއޯ އިން ބުނީ މާޗް މަހު ގެނެސްދިން ކާމިޔާބު ފިލްމު "ފުރޭތަ" އަކީ ޓްރިލޮޖީއެއް ކަމަށާއި މީގެ ކުރިއަށް އޮތް ބަޔަކީ "ލޭ" ކަމަށްށެވެ. މީ ގެ ތިން ވަނަ ބައެއްވެސް ގެނެސްދޭނެއެވެ. އަދި މީގެ ތިން ވަނަ ބަޔަކަށް ވާނީ "މަރަށް މަރު" އެވެ.
View this post on Instagram
މާޗް 4 ގައި އޮލިމްޕަހުގައި ޕްރީމިއާކުރި "ފުރޭތަ" އަކީ އަހުމަދު ތޮލާލްގެ ސްކްރީންޕްލޭއަކަށް އަލީ ޝިފާއު (ޗިއްޕެ) ޑައިރެކްޓްކުރި ރިވެންޖް އެކްޝަން ތުރިލާއެކެވެ. މީގެ ކާމީޔާބީއާ ގުޅިގެން ޑާކް ރެއިނުން މިހާރު އަންނަނީ އަންނަ މަހުގެ ތެރޭގައި އާ އެކްޝަން ތުރިލާއެއްގެ ޝޫޓިން ފަށަން ވެސް ތައްޔާރުވަމުންނެވެ.
މި ފިލްމް އާއި ގުޅޭ ގޮތުން އަދި ނަން ފިޔަވާ އިތުރު އެއްޗެއް އެ ސްޓޫޑީއޯ އިން ހާމަ ކޮށްފައިއެވެ. އަދި ކާސްޓެއް ވެސް އިއުލާން އެއް ނުކުރެއެވެ.
