މި އަހަރު އޯގަސްޓު މަހުގަައި ޝޫޓީން ފަށާގޮތަށް އޮތް ފިލްމް "ޑޮން 3″ ގެ ޝޫޓިން ފަށަން ނިންމާފައި ވަނީ އަންނަ އަހަރު ކަމަށް ޑައިރެކްޓަރު ފަރުހާން އަޚްތަރު ބުނެފި އެވެ.
މި ފިލްމް ލަސްކޮށްލުމަށް ނިންމި އެންމެ ބޮޑު ސަބަބެއް ކަމަށް ބެލެވެނީ ފިލްމްގެ ލީޑް އެކްޓަރު ރަންވީރު ސިންގް ގެ އަންހެނުން ބަތަލާ ދީޕިކާ ޕަދުކޯން ބަނޑުބޮޑުވުމެވެ. އެމީހުން ނަށް ދަރިއަކު ލިބޭކަން އިއުލާން ކުރިތާ މާގިނަ ދުވަހެއް ނުވެ ރަންވީރު ވަނީ އޭނާ 1 އަހަރު ދުވަހުގެ ޗުއްޓީ އެއް ނަގާކަން އިއުލާން ކޮށްފައިއެވެ.
ދެން އަލުން އެންބުރި ރަންވީރު މަސައްކަތަށް ނުކުންނާނީ ބެލެވޭ ގޮތުގައި ދީޕިކާ ވިހާ ގަދަވުމުނެނެވެ. ދީޕިކާ ވީހާނެ ކަމަށް ވަނީ މިއަހަރު ގެ އޮކްޓޯބަރު މަހުގައިއެވެ.
View this post on Instagram
ރަންވީރާ އެކީ މި ފިލްމު ހަދަން ނިންމި އިރު، ފަރުހާން ޑައިރެކްޓްކުރި "ޑޮން" ގެ ކުރީގެ ދެ ބައިގެ ބަތަލަކީ ޝާހްރުކް ޚާނެވެ. އަދި ޕްރިޔަންކާ ޗޯޕްޅާ ބަތަލާގެ ރޯލު ކުޅުނު "ޑޮން" 2006 ގައި ގެނެސްދިނުމަށް ފަހު، "ޑޮން 2″ ރިލީޒްކުރީ 2011 ގަ އެވެ.
ޝާހްރުކާ އެކީ ގެނެސްދިން "ޑޮން" ގެ ފުރަތަމަ ބަޔަކީ އަމީތާބް ބައްޗަން ޓައިޓްލް ރޯލު ކުޅުނު 1978 ގެ "ޑޮން" ގެ ރިމޭމެކެވެ. ރަމޭޝް ސިއްޕީ ޑައިރެކްޓްކުރި އެ ފިލްމު ހެދީ ފަރުހާންގެ ބައްޕަ ޖާވިދު އަޚްތަރާއި ސަލްމާން ޚާންގެ ބައްޕަ ސަލީމް ޚާންގެ ސްކްރީންޕްލޭއަކަށެވެ.
