ފަލަސްތީނުގެ މައްސަލައަކީ ދިވެހި ރައްޔިތުންގެ ހިތާ އެންމެ ކައިރިން ވިންދު ޖަހާ އެންމެ ބޮޑު ކަންބޮޑުވުމެއް އޮތް މައްސަލަ ކަމުގައި ރައްޔިތުންގެ މަޖިލިހުގެ ރައީސް އަބްދުއްރަހީމް އަބްދުﷲ މިއަދު ވިދާޅުވެއްޖެއެވެ.
ރައީސް ޑރ. މުހައްމަދު މުއިއްޒުގެ އެދި ވަޑައިގަތުމަށް ޕީއެސްއެމުން އިންތިޒާމުކޮށްގެން "ފަލަސްތީނާއެކު ދިވެހިން" ނަމުގައި މިއަދު ވަނީ ޓެލެތޯނެއް ފަށައިފައެވެ. މި ޓެލެތޯން ކުރިއަށް ގެންދިއުމަށް ހަމަޖެހިފައި ވަނީ މިރޭ 12 ޖެހުމާ ހަމައަށެވެ.
އަބްދުއްރަހީމް ވަނީ މި ޓެލެތޯންގައި ވީހާވެސް ގިނަ ބަޔަކު ބައިވެރިވުމަށް އެދިވަޑައިގެންފައެވެ.
"ފަލަސްތީނުގެ މައްސަލައަކީ ދިވެހި ރައްޔިތުންގެ ހިތާ އެންމެ ކައިރިން ވިންދު ޖަހާ އެންމެ ބޮޑު ކަންބޮޑުވުމެއް އޮތް މައްސަލަ. ފަލަސްތީނުގެ މައްސަލާގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިސްނަންގަވައި އެ މަނިކުފާނުގެ އެދިވަޑައިގަތުމަށް މިއަދު ޕީ.އެސް.އެމް އިން ފެށި "ފަލަސްތިނާއެކު ދިވެހިން" ޓެލެތޯނުގައި ދިވެހި އެންމެހާ ރައްޔިތުން، ބައިވެރިވެ ވަޑައިގެން އެހީތެރިވެ ދެއްވުމަކީ އަޅުގަނޑުގެ ވެސް ވަރަށްބޮޑު އެދުމެއް." އަބްދުއްރަހީމް ވިދާޅުވިއެވެ.
ފަލަސްތީޠީނަށް އެހީވުމަށް ބާއްވާ ޚާއްސަ ޓެލެތޯނުގައި މާލެ ސަރަހައްދުގައި 13 ފަންޑު ފޮށި ވަނީ ބަހައްޓައިފައެވެ.
ފޮށިތައް ކައިރިއަށް ނުދެވޭ ފަރާތްތަކަށް ވެސް ފަސޭހައިން އޮންލައިންކޮށް ވެސް ފައިސާ ޖަމާކުރެވޭނެ އިންތިޒާމް ހަމަޖެއްސުމަށް ދެ އެކައުންޓެއްވަނީ ހުޅުވާފައެވެ. އެގޮތުން ފައިސާ ޖަމާކުރެވޭނީ ދިވެހި ފައިސާއިންނަމަ 7730000655865 އަދި ޑޮލަރުން ނަމަ، 7730000655866 އެކައުންޓަށެވެ.
ކޮމެންޓު ފޮނުވާ