ރައްޔިތުންގެ މަޖިލިހުގެ ސަލާމަތީ ހިދުމަތްތަކާ ބެހޭ ކޮމެޓީ (241 ކޮމިޓީ) ގައި 13 މެމްބަރުން ތިއްބަވާ ގޮތަށާއި މަޖިލިހުގެ އެހެން ކޮމިޓީތަކުގައި 11 މެމްބަރުން ތިއްބަވާ ގޮތަށް ރައްޔިތުންގެ މަޖިލިހުން މިއަދު ފާސްކޮށްފިއެވެ.
ވިހި ވަނަ މަޖިލިހުގެ ފުރަތަމަ ޖަލްސާގައި އެގޮތަށް ހުށަހެޅުއްވީޕީއެންސީގެ ޕާލިމެންޓްރީ ގްރޫޕުގެ ލީޑަރު، އިނގުރައިދޫ ދާއިރާގެ މެންބަރު އިބްރާހިމް ފަލާހެވެ. މި ހުށަހެޅުމަށް ތާއީދު ކުރެއްވީ ބާރަށު ދާއިރާގެ ޕީއެންސީގެ މެމްބަރު އަބްދުﷲ ޝުޖާއުއެވެ.
އެ ހުށަހެޅުން ފާސްވީ 88 މެމްބަރުންގެ ވޯޓުންނެވެ.
އެ ހުށަހެޅުމުގައި ވަނީ އަންނަ މަހުގެ 2 ގެ ނިޔަލަށް މަޖިލީހުގައި ހިމެނޭ ސިޔާސީ ޕާޓީތަކުންނާއި ވަކި ޕާޓީއަކަށް ނިސްބަތްނުވާ މެމްބަރުން، މަޖިލީހުގެ ދާއިމީ ކޮމެޓީތަކަށް ހަމަޖެއްސުމަށް ބޭނުންވާ މެމްބަރުންގެ ނަންތައް މަޖިލީހުގެ އިދާރާއަށް ފޮނުވުމަށެވެ.
ވިހި ވަނަ ރައްޔިތުންގެ މަޖިލިހުގެ ހިންގާ ގަވައިދު އެކުލަވާލެވެން ދެން 19 ވަނަ މަޖިލީހުން އަމަލު ކުރަމުން އައި ގަވާއިދަށް އަމަލު ކުރަން މަޖިލިހުން ވަނީ ފާސްކޮށްފައެވެ.
