ކިޑް ޕްރޮޑަކްޝަންއާއި ސެޓަރން ސްޓޫޑިއޯގެ ދިވެހި ފިލްމު "ކަމަނާ" ގެ ނަން ލޯންޗްކޮށްފިއެވެ. ފިލްމު "ކަމަނާ" މި އަހަރުގެ އޮގަސްޓްގައި އޮލިމްޕަހަށް ގެންނަން ނިންމައި، އޭގެ ޓައިޓްލް ޓީޒާ ދައްކާލައިފި އެވެ.
އޮގަސްޓް 27 ގައި ރިލީޒް ކުރުމަށް ނިންމާފައިވާ "ކަމަނާ" ގެ ޝޫޓިން ނިންމައި، ޕޯސްޓް-ޕްރޮޑަކްޝަން މަރުހަލާގައި އޮތް އިރު، މީގެ މައިގަނޑު ކާސްޓްގައި ހިމެނެނީ ޔޫސުފް ޝަފީއު (ޔޫއްޕެ) އާއި މަރިޔަމް އައްޒަ އާއި އަރަމުން އަންނަ ޒުވާން ބަތަލާ އައިމިނަތު ރަޝްފާ (އާޝާ) އާއި މުހައްމަދު މަނިކާއި ނަތާޝާ ޖަލީލުގެ އިތުރުން މުހައްމަދު ރަޝީދު (ދަރާ) އެވެ.
މި ފިލްމު ހަދާފައި ވަނީ ރިޝްފާ އަބްދުއްސަމަދުގެ ވާހަކައަކަށް މަހުދީ އަހުމަދު ލިޔެފައިވާ ސްކްރީންޕްލޭއަކަށެވެ. އޭނަ އަކީ ކިޑް ކުރިން ޑައިރެކްޓަރު ފިލްމުތައް ކަމަށްވާ "ސަޒާ" އާއި "ދިލަކަނީ" ގެ ވެސް ސްކްރީން ރައިޓަރެވެ.
މި ފިލްމަކީ އަނތްބެއްގެ ކެތްތެރިކަމާއި ރާއްޖޭގައި ގެވެށި އަނިޔާ ގޮސްފައި އޮތް ބިރުވެރި މިންވަރު ފެނިގެންދާނެ ފިލްމްއެކެވެ. މިއީ ހަގީގީ ހާދިސާއަކަށް އުފައްދާފައިވާ ފިލްމެއް ކަމަށް ފިލްމު އުފައްދާ ފަރާތުން ވަނި ބުނެފައިއެވެ.
