މ. އަތޮޅުން ފެށިގެން އައްޑު އަށް ވައިޓް އެލާޓް ނެރެފި

މޫސުން ގޯސްވާނެ ކަމަށް ލަފާކޮށް މ. އަތޮޅުން ފެށިގެން އައްޑޫ ސިޓީއަށް ވައިޓް އެލާޓް ނެރެފިއެވެ.

މެޓް އޮފީހުން މި އެލާޓް ނެރެފައި ވަނީ މިއަދު މެންދުރު 13:15 އިން ހަވީރު 18:00 އަށެވެ.

އެލާޓްގައި ބުނެފައިވަނީ ބޯކޮށް ވާރޭވެހުމާއެކު ގުގުރާނެ ކަމަށް ލަފާކުރެވޭ ކަމަށެވެ. އަދި ވިލާގަނޑުގައި ގަޑިއަކު 35 މޭލަށް ވައި ގަދަވާނެ ކަމަށް ވެސް ލަފާކޮށްފައިވެއެވެ.

ރާއްޖެއަށް މިދިޔަ ހަފްތާގައި ހުޅަނގު މޫސުމުގެ ވިއްސާރަ ވަނީ ފެށިފައެވެ.