ވިއްސާރަވާނެ ކަމަށް ލަފާކޮށް ރާއްޖޭގެ ހުރިހާ ހިސާބަކަށް ވައިޓް އެލާޓް ނެރެފިއެވެ.
ރާއްޖޭގެ މޫސުމާ ބެހޭ ގައުމީ އިދާރާ އިން ވައިޓް އެލާޓް ނެރެފައި ވަނީ މިއަދު ހެނދުނު 7:00 އިން ފެށިގެން މެންދުރު 12:00 އަށެވެ. މެޓް އޮފީހުން ބުނީ މި ވަގުތުގެ ތެރޭގައި ގުގުރުމާ އެކު ބޯކޮށް ވާރޭވެހި، ވިލާގަނޑުގައި ގަޑިއަކު 35 މޭލަށް ވައި ގަދަވާނެ ކަމަށް ލަފާ ކުރެވޭ ކަމަށެވެ.
Alert white for Heavy rain and thunderstorms. pic.twitter.com/6LGs1RcxLx
— Maldives Meteorology (@MetMaldives) April 29, 2024
މި ދުވަސްވަރަކީ ރާއްޖޭގެ އެކި ހިސާބުތަކަށް މޫސުން ގޯސް ދުވަސްވަރެކެވެ. އެގޮތުން ދާދި ފަހުން އައްޑު އަށް ބޯކޮށް ވާރޭ ވެހި، ފޭދޫގެ ސާޅީހަކަށް ގެއަކަށް ފެން ވަދެ ގެއްލުންވެފައިވެއެވެ. އަދި މިއަދު ހަވީރުން ފެށިގެން މާލޭއަށްވަނީ ބޯކޮށް ވާރޭވެހި މަގުތަކުގައި ފެން ބޮޑުވެފައެވެ.
