ރައްޔިތުންގެ މަޖިލިސް އިންތިހާބާ ގުޅޭ ގޮތުން އިލެކްޝަންސް ކޮމިޝަން (އީސީ) އަށް މިހައިތަނަށް ހުށަހެޅީ 41 މައްސަލަ ކަމަށް އެ ކޮމިޝަނުން ބުނެފި އެވެ.
އީސީގެ މެމްބަރު އަދި ތަރުޖަމާން ހަސަން ޒަކަރިއްޔާ "އަދަދު" އަށް ވިދާޅުވީ މަޖިލިސް އިންތިހާބާ ގުޅިގެން މިހައިތަނަށް އެ ކޮމިޝަނަށް ހުށަހެޅިފައިވާ 41 މައްސަލައިގެ ތެރެއިން 38 މައްސަލަ ބަލައި ނިންމާފައިވާ ކަމަށާއި، ތިން މައްސަލައެއް ބަލަމުން އަންނަ ކަމަށެވެ.
އީސީއަށް މިހައިތަނަށް ހުށަހަޅައިފައި ހުރީ ކެމްޕެއިން ކުރުމާ ގުޅޭ މައްސަލަތަކާއި އިންތިހާބީ މުވައްޒަފުންނާ ގުޅޭ މައްސަލަތައް، ވޯޓުލުމުގެ ހައްގާ ގުޅޭ މައްސަލަތައް، ރަޖިސްޓްރޭޝަންއާއި ގުޅޭ މައްސަލަތައް އަދި ކެންޑިޑޭންސީއާ ގުޅޭ މައްސަލަތައް ކަމަށް ހަސަން ވިދާޅުވި އެވެ.
މަޖިލިސް އިންތިހާބާ ގުޅޭ ގިނަ ޝަކުވާތަކެއް އީސީއަށް ހުށަހަޅާފައިވާއިރު، އެ ކޮމިޝަނުން ވަނީ އިންތިހާބާ ގުޅޭ މައްސަލަތައް ކޮންޕްލެއިންސް ބިއުރޯއަށް ހުށަހެޅުމަށް އެދިފަ އެވެ.
