ދިވެހި ފިލްމް އިންޑަސްޓްރީގެ ހުނަރުވެރި އެކްޓަރު އަހުމަދު އާސިމްގެ ތުރުކަސް ފިލްމްސް އިން ކުރު ފިލްމެއް އޮލިމްޕަހުގައި ދައްކަން ތައްޔާރުވެއްޖެއެވެ.
މި ފިލްމް އަކީ ކުރު ފިލްމްއެކެވެ. އަންނަ މަހުގައި އަޅުވަން ތައްޔާރުވެފައިވާއިރުގައި ދައްކާނީ ފިލްމްގެ ލިމިޓެޑް ޝޯވ ތަކެއް ކަމަށްވެއެވެ. މައުލޫމާތު ލިބޭ ގޮތުގައި ލިމިޓެޑް ޝޯވ ތަކެއް ދައްކަން ނިންމީ ހުރިހައި ދުވަސްތަކަކަށް ހެން އޮލިމްޕަސް ބުކްކޮށްފައިވާތީއެވެ.
މިއީ ފިލްމީ ތުރުކަސް ފިލްމްސް އިން "ވިހާލި" ގެ ނަމުގައ ގެނެސްދެމުން ސީރީޒްގެ ދެވަނަ ސީޒަންގެ ފުރަތަމަ ސެގްމަންޓެވެ. ސާޅީސް މިނިޓްގެ "ހަދީޖާ" އަކީ އާސިމް ލިޔެ، ޑައިރެކްޓްކުރި އެއްޗެކެވެ. މީގެ ކާސްޓްގައި ރަވީ ފާރޫގް، ނަތާޝާ ޖަލީލު އަދި އަހުމަދު ނިމާލު ހިމެނެ އެވެ.
މި ފިލްމުގެ ޓިކެޓް ވިއްކަން ފަށާނ ީ28 ފެބްރުއަރީ 2024 ވަނަ ދުވަހުން ފެށިގެން އޮލިމްޕަހުގެ ޓިކެޓް ކައުންޓަރުންނެވެ. ނަމަވެސް މިހާރުވެސް ޓިކެޓް ބުކިން ހެއްދުމުގެ ފުރުޞަތުވަނީ ހުޅުވައިލެވިފައެވެ.
އެގޮތުން 7755569 ނަންބަރަށް ގުުޅައިގެން ނުވަތަ ތުރުކަސް ފިލްމްސް ގެ ފޭސްބުކް ޕޭޖަށް ޑައިރެކްޓް މެސެޖްކޮށްގެން ބުކިން ހަދައިލެވޭނެ އެވެ.
