ބޮލީވުޑްގެ މަޝްހޫރު ތިން ބަތަލާއެއް ލީޑުން ފެނިގެންދާ ފިލްމް "ކުރޫ" ގެ ޕޯސްޓަރު ތަކެއް ދައްކައިލައިފިއެވެ.
ވަކިވަކިން ނެރުނު ޕޯސްޓަރުތަކުގައި ހިމެނެނީ ކަރީނާ ކަޕޫރާއި ތައްބޫގެ އިތުރުން ކްރިތީ ސެނަން އެވެ. މި ތިން ތަރިން ވެސް "ކްރޫ" ގައި ފެންނާނީ ވަރަށް ގްލެމަރަސް ކެބިން ކްރޫންގެ ރޯލުންނެވެ.
މިހާރު ބާރު ސްޕީޑުގައި މި ފިލްމްގެ ޕްރޮމޯޝަން މި ތިންބަތަލާއިން ކުރަމުން އަންނަ އިރުގައި މި ފިލްމް ރިލީޒް ކުރުމަށް ތާވަލު ކޮށްފައިވަނީ މި ފެށޭ މާރިޗު މަހުގެ 29 ވަނަ ދުވަހަށެވެ.
View this post on Instagram
ކަރީނާ ކަޕޫރާއި ކްރިތީ ސެނަންގެ އިތުރުން ތައްބޫ ވަރަށް ގްލެމަސް ރޯލުތަކުން ފެންނާނެ މި ފިލްމުގެ ޓެގް ލައިނަކީ "ރިސްޓް އިޓް، ފޭކް އިޓް، ސްޓީލް އިޓް" އެވެ. ފިލްމުގައި ތިން ކުޅެފައި ވަނީ "ކޮހިނޫރު" ކިޔާ އެއާލައިނެއްގެ ކެބިން ކްރޫންތަކެއްގެ ރޯލެވެ. މީގެ އިތުރުން ފިލްމްގެ ކާސްޓުން ފަގުޑި އެޅި އެކްޓަރު ދިލްޖީތު ދޮސަންޖާއި މަޝްހޫރު ކޮމީޑިއަން ކަޕިލް ޝަރުމާ ވެސް ފެންނާނެ އެވެ.
View this post on Instagram
ރާޖޭސް ކްރިޝްނަން ޑައިރެކްޓްކޮށްފައިވާ މި ފިލްމަކީ އަންހެނުންތަކެއްގެ ވާހަކަ ކިޔައިދިން މިދިޔަ އަހަރުގެ "ތޭންކް ޔޫ ފޯ ކަމިން" އާއި 2018 ގެ "ވީރޭ ދީ ވެޑިން" ގެނެސްދިން އެކްތާ ކަޕޫރާއި ރިއާ ކަޕޫރް ޕްރޮޑިއުސްކޮށްފައިވާ ފިލްމެކެވެ.
