ރައީސް މުއިއްޒުގެ ދެ ކަނބަލުން މުލީއާގެއަށް ބަދަލުވެވަޑައިގެންފިއެވެ.
ރައީސްގެ ދެކަނބަލުން މުލީއާގެއަށް ބަދަލުވެވަޑައިގަތީ ރައީސްކަމުގެ ހުވާ ކުރެއްވިތާ ދެ މަހަށްވުރެވެސް ގިނަ ދުވަސް ފަހުންނެވެ.
ރައީސް މުޢިއްޒުގެ އާއިލާ މުލިއާގެއަށް ބަދަލުވުމާއި ހަމައަށް ދިރިއުޅުއްވަމުން ގެންދެވީ އަމިއްލަފުޅު ގެކޮޅު، މ. ދިމްޔާތުގައެވެ.
ރައީސް މުޢިއްޒު ރިޔާސީ ގަނޑުވަރަށް ބަދަލުވެވަޑައިނުގެން މަޑުކުރެއްވީ މުލިއާގެ މަރާމާތުކުރެއްވުމުގެ މަސައްކަތް ހިނގާތީއެވެ.
އެނގިފައިވާގޮތުގައި މުލިއާގެއަށް ބަދަލުވެވަޑައިނުގެން ލަސްކުރެއްވީ އެ ގަނޑުވަރަށް އިތުރު ކޮޓަރިތަކެއް އިތުރުކުރައްވާތީއެވެ. ރައީސް މުޢިއްްޒުގެ ދެކަނބަލުންނާއި ތިން ދަރިން ރިޔާސީ ގަނޑުވަރަށް ބަދަލުވެވަޑައިގެންނެވީ އެއަށްފަހުކަމަށް އެނގިފައިވެއެވެ.
ރައީސުލްޖުމްހޫރިއްޔާގެ ނާއިބު ޙުސައިން މުހައްމަދު ލަޠީފްވަނީ ހުވާކުރެއްވުމާއެކު ހިލާލީ ގެއަށް ބަދަލުވެވަޑައިގެންފައެވެ. އެ ގެކޮޅުވެސް ވަނީ ނާއިބު ރައީސް އެގެއަށް ބަދަލުވެވަޑައިގަތުމުގެ ކުރިން މިވަގުތު މަރާމާތު ކޮށްފައެވެ.
ރިޔާސީ ގަނޑުވަރު މުލިއާގެއަކީ ގަރުނަކަށްވުރެ ގިނަ ދުވަސްވެފައިވާ ތަނެކެވެ. އެތަނުގައި ރާއްޖޭގެ ބައެއް ރަސްރަސްކަލުންނައި ރައީސުން ދިރިއުޅުއްވިއެވެ.
