މާލޭގެ ދެކުނަށް އޮންނަ ފުށިދިއްގަރުފަޅު ހިއްކަމުންދަނީ ގުޅީފަޅުންވެސް، ތިލަފުށިންވެސް، އަދި ހުޅުމާލެ ހިއްކާ ސަރަހައްދުތަކުންވެސް ވެލި ނަގައިގެން ނޫންކަމުގައި އާބަންކޯގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދު ވިދާޅުވެއްޖެއެވެ.
އާބަންކޯގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދު މިކަން ހާމަކޮށްފައިވަނީ މިއަދު އެކްސްގައި ކުރެއްވި ޕޯސްޓެއްގައެވެ. އެކްސް ޕޯސްޓުގައި ފަޒުލް ވިދާޅުވީ ރައްޔިތުންގެ ހިތުގައި ނުތަނަވަސްކަން އުފެއްދުމަށް ކުރަމުންދާ މަސައްކަތް ކުށްވެރި ކުރައްވާ ކަމަށެވެ.
ބައެއް ފަރާތްތަކުން މިހާތަނަށް ވަނި ސޯޝަލް މީޑިއާގައި ވަނީ ރަސްމާލެ ހިއްކުމުގެ މަޝްރޫއު ކުރިއަށްދަނީ އެހެން ފަޅުތަކުން ވެލިނަގައިގެން ކަމަށް ބުނެ ތަފާތުވާހަކަތައް ފަތުރާފައެވެ.
Ras Male reclamation kuri ah dhanee, gulheefalhun, giraavarufalhun, thilafushin, hulhumale hihkaa sarahadhun veli nagaa gen eh nun. Rayithunge hithuga nuthanavas kan ufeh dhumah kuraa masaikai kuh veri kuran.
— Fazul Rashyd (@FaZuLRaShYd) December 28, 2023
މި ސަރުކާރުންވަނީ ފުށިދިއްގަތު ފަޅު ހިއްކަން ފަށާފަވަނީ މިމަހުގައެވެ. ކޮންޓްރެކްޓަރ ފައިނޭންސްގެ އުސޫލުން މި ސަރުކާރުން ރަސްމާލެ މަޝްރޫޢު ހިއްކަން ފަށާފައިވަނީ ބިން ހިއްކާ ކުންފުންޏަށް 70 ހެކްޓަރުގެ ބިން ހުޅުމާލެއާއި ފުށިދިއްގަރު ފަޅުން 99 އަހަރަށް ދޭގޮތަށެވެ.
މާލެ ސަރަޙައްދުގެ ތޮއްޖެހުމާއި، މާލެއަށް ދިމާވެފައިވާ ބޯހިޔާވަހިކަން ޙައްލުކުރުމަކީ މި ސަރުކާރުގެ އެންމެ މުހިންމު އެއް ވަޢުދެވެ. މިކަމުގައި ރައީސުލްޖުމްހުރިއްޔާ ގެންގުޅުއްވާ އެންމެ ބޮޑު ތަޞައްވުރަކީ މާލޭ ކައިރީގައި އޮތް ފުށިދިއްގަރު ފަޅު ހިއްކައި އާބާދުކުރުމެވެ. މިގޮތުން، 1153 ހެކްޓަރުގެ ބިން (ހުޅުމާލޭގެ ގާތްގަޑަކަށް ތިން ގުނަ ބޮޑު ސަރަޙައްދެއް) ފުށިދިއްގަރު ފަޅުން ހިއްކާނެއެވެ. މިއީ މިހާތަނަށް ރާއްޖޭގައި ހިންގާ އެންމެ ބޮޑު ބިން ހިއްކުމުގެ މަޝްރޫޢެވެ. އަދި މި މަޝްރޫޢު ނިމިގެން ދާއިރު ގޯއްޗާއި ފްލެޓް ހިމެނޭގޮތަށް 65,000 ހައުސިންގ ޔުނިޓް ތަރައްޤީ ކުރުމަށް ސަރުކާރުން ރާވާފައިވެއެވެ.
