ދަރިން ތަރުބިއްޔަތު ކުރުމުގައި އަދާކުރަންޖެހޭ ޙައްގުތައް އަދާކުރުމުގައި ފަސްޖެހުމަކީ ޚިޔާނާތެއްކަމުގައި މިއަދުގެ ހުކުރު ޚުޡުބާގައި ވިދާޅުވެއްޖެއެވެ.
ޚުޡުބާގައި ވިދާޅުވީ ކުޑަކުދިންގެ ޙައްގުތަކަށް އިހާނާތްތެރިވުމަކީ ސުވަރުގެ ވަނުމުން މަހުރޫމު ވެދާނެ ކަމެއް ކަމުގައެވެ.
"ކުޑަކުދިންނަށް އަޅައިލުމާއި އޯގާތެރިވުން" މިމަައުޟޫއަށް މިއަދު ޚާއްސަ ކުރެވިގެންދިޔަ ޚުޡުބާގައި ވިދާޅުވީ ކުޑަކުދީންގެ ކިބައިން އެންމެހާ ތަކުލީފުގެ ބުރަ ﷲ އުފުއްލަވާފައިވާ ކަމަށާއި، އެކުދީންގެ ކުށްތަކަށް މާފް ދެއްވާފައިވާ ކަމަށެވެ.
ވީމާ ތިޔަބައި މީހުންވެސް އެކުދިންނަށް އޯގާތެރިވެ މާފު ކުރާށެވެ! ދީނުގެ ތަނބު ކަމުގައިވާ ނަމާދު ކުރުވުމުގައިވެސް ރަސޫލާ އަންގަވަނީ ދިހައަހަރު ނުފުރެނީސް އެކުދިންނަށް އަދަބު ނުދިނުމަށެވެ. އޭގެ ކުރިން ނަސޭހަތްތެރި ވުމަށެވެ. ލޮބުވެތި ރަސޫލާ ނަމޫނާއަކަށް ބައްލަވާށެވެ. އެކަލޭގެފާނަށް ޚިދުމަތް ކޮށްދެއްވުމުގައި ދިހަ އަހަރު ހޭދަކުރެއްވި އަނަސްގެފާނު ވިދާޅުވެފައިވަނީ، އެކަލޭގެފާނު ދުވަހަކުވެސް ކަމަކާމެދު ނުރުހުމުގެ ބަސްފުޅެއް ވިދާޅުނުވާ ކަމަށެވެ.
މިއަދުގެ ހުކުރު ޚުޡުބާގައި ވިދާޅުވެފައި ވެއެވެ.
މިއަދުގެ ޚުޡުބާގައި ވިދާޅުވި ގޮތުގައި ކުޑަކުއްޖާގެ ކުށްތައް ރަގަޅު ކޮށްދިނުމަކީ އަނަކުންގެ ޒިންމާއެއް ކަމަށާއި، އެހެންނަމަވެސް އެކަން ކުރަންޖެހޭނީ ބިނާކުރަނިވި ގޮތުގައި ކަމަށެވެ. އަދި އެކަން ކުރާންޖެހޭ އަދަބު ދިނުމުގެ ގޮތުން ނޫންކަމަށާއި، އެކަން ކުރާންޖެހޭނީ އުގުބާތް ދިނުމުގެ ގޮތުން ނޫންކަމަށްވެސް ޚުޡުބާގައި ވިދާޅުވެފައި ވެއެވެ.
ޚުޡުބާގައި ވިދާޅުވި ގޮތުގައި އުފަންދަރިންގެ އިތުރުން ޅީދަރިންނާއި، ދަނބި ދަރިންނާއި، ދޮން ދަރިންނަކީވެސް ހަމަ ދަރިން ކަމުގައެވެ.
