އައި ފިލްމްސް އިން ހަދާ ތިން ވަނަ ފިލްމު "ކަންބަޅި" ގެ ޝޫޓިންގެ ދެވަނަ ޝެޑިއުލް 06 ޑިސެމްބަރު 2023ގައި ފަށައިފިއެވެ.
މި ފިލްމުގެ ޝޫޓިން ފެށީ މިއަހަރު އޮކްޓޯބަރު މަހުގައެވެ. ނޮވެމްބަރު މަހު ޝޫޓިން މެދުކަނޑައިލީ ފިލްމު “ފްރީ ޑެލިވަރީ” ސިނަމާކުރުމުގައި ގައި އެޅުމުވުމަށް ވަގުތު ދިނުމުގެ ގޮތުންނެވެ.
View this post on Instagram
ނަމަވެސް އަލުން ޝޫޓިން ފަށައިގެން ބާރަށް ކުރިއަށް ދާ ކަމަށް އެމީހުންގެ ސޯޝަލް މީޑީއާ އަކުންޓުގައި ވަނީ ބުނެފައިއެވެ. މި ފިލްމަކީ އައި ފިލްމްސްގެ ފިލްމުތަކުގެ ފަހަތުގައި ހުރި ޑައިރެކްޓަރު އިލްޔާސް ވަހީދު (އިއްލެ)ގެ ސްކްރީންޕްލޭ އަކަށް ހަދަމުންދާ ފިލްމެކެވެ.
ކަންބަޅި ޑައިރެކްޓް ކުރަން ނިންމާފައިވަނީ އިއްލެ އާއި ބަވަތި ފިލްމުގައި ލީޑް ރޯލެއް އަދާކޮށްފައިވާ އިފްނާޒް ފިރާގު ގުޅިގެންނެވެ. އައި ފިލްމްސް މިހާތަނަށް ވަނީ ކާމިޔާބު ދެ ފިލްމެއް ނެރެފަ އެވެ. އެއީ "ނީނާ" އާއި "ބަވަތި" އެވެ.
"ކަންބަޅީ" ގެ ކާސްޓަށް ބަލާ އިރު، ނުޒުހަތު ޝުއައިބް (ނުޒޫ)، ވާޝިޔާ މުހައްމަދު، އިފްނާޒް، ޝަރަފު އަބްދުﷲ، ތާތި އާދަމް، އިޝްފާން އަދި އަލީ ނަދީމު ހިމެނެ އެވެ. ފާހަގަކޮށްލެވޭ އިތުރު ތަރިންގެ ތެރޭގައި ތާތި އާދަމް، މުޙައްމަދު އަފްރާހް، މޫސާ އަލީފް، ހާޒިފް މުހައްމަދު، އަލަށް ތަޢާރަފުވާ މުހައްމަދު އިޝްފާން، އަލީ ނަދީހް (ޗަންނަ)، މުހައްމަދު ނަޖަހް އަހްމަދް ރައޫފް، ހުސައިން ސާމިހް މުހައްމަދު، ވިކީ، ފާތުމަތު ލަތީފާ، ދީނާ އަޙްމަދު (ޖެރީ) ހިމެނެއެވެ.
View this post on Instagram
އާސިމް އަލީ އަދި އިލްޔާސް ވަހީދު ޕްރޮޑިއުސްކުރާ މި ފިލްމުގެ މިއުޒިކް ހަދަނީ ފިލްމު "ފްރީ ޑެލިވަރީ" ގެ ހިތްގައިމު މިއުޒިކް ހެދި ޝަހީދު ލިގެސީ އެވެ. ފިލްމުގެ ޕޯސްޓް ޕްރޮޑަކްޝަން މަސައްކަތްކުރަނީ އިއްލެގެ "ބަވަތި" އަދި "ނީނާ"ގެ ވެސް އެ މަސައްކަތްތައްކުރި އޯކޭޒް އިންކް އެވެ. ހަމަ އެހެންމެ ކެމެރާ ކުރަނީވެސް މި ބުނި ފިލްމުތައް ކެމެރާކުރި ތަޖުރިބާކާރު އަދި ޒުވާން ކެމެރާމަން ޝިވާޒް (މާސްކޭ) އެވެ.
