ބޮލީވުޑްގެ ތަރި ޝާހްރުކް ޚާންގެ ދޮށީ ދަރިފުޅު އަރިއަން ޚާން ލިޔެ، ޑައިރެކްޓްކުރާ ވެބް ސީރީޒް "ސްޓާޑަމް" ގެ ކާސްޓްގައި ހިމެނޭކަން އެކްޓަރު ބޮބީ ޑިއޯލް ކަށަވަރުކޮށް ދީފި އެވެ.
ބޮލީވުޑްގެ ނަން ހިނގާ މަޝްހޫރު ތަރިންތަކެއް ވެސް ފެނިގެން ދާ މިސީރީޒް ގެ ޝޫޓިން މިހާރު ގާތްގަޑަކަށް ނިމިފައިވާ ކަމަށް ހަބަރުތަށް ބުނެއެވެ. މި ސީރީޒްއިން އާރިޔާން ގެ ބައްޕަ ޝާހުރުކް، ރަންބީރު ސިންގް އަދި ރަންވީރު ސިންގް ފަދަ ފަންނާނުން ފެންނާނެ ކަމަށް ވެއެވެ.
މި ލިސްޓަށް ބޮބީގެ ނަން ވެސް އިތުރު ވެފައިވާއިރުގައި މިއީ އާރިޔަން ގެ އަލަތު އުފެއްދުމެވެ. ޑިޒްނީ ޕްލަސް ހޮޓްސްޓާ އިން ގެނެސްދިން ކަރަން ޖޯހަރްގެ ޗެޓް ޝޯ "ކޮފީ ވިތު ކަރަން 8″ ގެ ދެވަނަ އެޕިސޯޑްގެ މެހުމާނެއްގެ ގޮތުގައި ބޭބެ ސަނީ ޑިއޯލްއާ އެކީ ބައިވެރިވެ، ދެއްކި ވާހަކަތަކުގެ ތެރޭގައި ބޮބީ ވަނީ އަރިއަންގެ ސީރީޒްގެެ ރޯލަކުން އޭނަ ފެންނާނެ ކަމަށް ބުނެފަ އެވެ.
އާރިޔަންގެ ވެބް ސީރީޒް ގެ މާގިނަ މައުލޫމާތެއް މިހާތަނަށް ހިއްސާކޮށްފައި ނުވި ނަމަވެސް މި ސީރީޒް އިން ބޮލީވުޑްގެ ނަންހިނގާ ގިނަ އަދަދެއްގެ އޭ ލިސްޓްގެ އެކްޓަރުން ފެނިގެންދާނެއެވެ.
ބޮބީ އަކީ އެ ސްޓޫޑިއޯ އާއި ނެޓްފްލިކްސް ގުޅިގެން ގެނެސްދިން "ލަވް ހޯސްޓެލް" އާއި "ކްލާސް އޮފް 83″ ގެ ލީޑު އެކްޓަރުއެވެ. އަރިއަންގެ ސީރީޒްގެ ޝޫޓިން މި އަހަރުގެ ޖުލައި އިން ފެށިގެން ކުރިއަށް ދިޔަ ނަމަވެސް މިއާ ބެހޭ އެއްވެސް ތަފުސީލެއް މިހާތަނަށް ހާމައެއް ނުކުރެ އެވެ. އެކަމަކު ހަ އެޕިސޯޑް މި ސީރީޒަކީ ފިލްމު އިންޑަސްޓްރީގެ ވާހަކައެއް ކިޔައިދޭނެ އެއްޗެއް ކަމަށްވެ އެވެ.
