ކާމިޔާބު އެކްޓަރު އަކްޝޭ ކުމާރުގެ ކުރިއަށް އޮތް ފިލްމު "ސްކައި ފޯސް" ރިލީޒްކުރާ ތާރީހު އިއުލާން ކޮށްފިއެވެ.
ދިނޭޝް ވިޖަންގެ މެޑޮކް ފިލްމްސް އިން ހަދާ މި ފިލްމް އަކީ އިންޑިއާގެ ވައިގެ އަސްކަރިއްޔާގެ ކުރިއެރުންތަކާއި ކާމިޔާބީތަކަށް ހާއްސަކޮށްގެން ހަދަން ނިންމާފައިވާ އެއްޗެކެވެ. މި އޭރިއަލް އެލްޝަން ޑްރާމާއިން ފެނިގެން ދާނީ އަކްޝޭ އެވެ. ނަމަވެސް އިތުރު ކާސްޓާއި ބެހޭ ގޮތުން މިހާތަނަށް އެއްވެސް މައުލޫމާތެއް އަދި ހިއްސާކޮށްފައިއެއް ނުވެއެވެ.
މި ފިލްމު ޑައިރެކްޓްކުރަނީ ސަންދީޕް ކެވްލާނީ އާއި އަބީޝެކް އަނިލް ކަޕޫރެވެ. "ސްކައި ފޯސް" ގެ ޝޫޓިން މިހާރު ކުރިއަށްދާ އިރު، މި ފިލްމު ބެލުންތެރިންނަށް ދޫކޮށްލާނީ އަންނަ އަހަރުގެ އޮކްޓޯބަރު 2 ގަ އެވެ.
މި ފިލްމުން އަކްޝޭއާ އެކީ އާ އެކްޓަރަކު ވެސް ތައާރަފުކުރާނެ އެވެ. އެއީ ބަތަލާ ސާރާ އަލީ ޚާންގެ ކުރީގެ ލޯބިވެރިޔާ ވީރު ޕަހަރިއާ އެވެ. ބައެއް ރިޕޯޓްތައް ބުނާ ގޮތުން "ސްކައި ފޯސް" ގެ ކާސްޓްގައި ސާރާ ވެސް ހިމެނެ އެވެ. އެކަމަކު ފިލްމުގެ ޓީމުން އެކަން ކަށަވަރުކޮށް ދީފައެއް ނުވެ އެވެ.
ކޮމެންޓު ފޮނުވާ