ފުލުހުންގެ ވަޒީފާގެ ގަވާއިދަށް ގެނެސްފައިވާ އިސްލާހުތަކާ އެކު، ވާޖިބު އަދާކުރަމުން ދަނިކޮށް ނިޔާވާ ފުލުހުންގެ އާއިލާތަކަށް ވެސް ފުލުހުންގެ ޚިދުމަތުގެ ދަށުން ބޭސްފަރުވާ ލިބޭނެ އެވެ. ވަޒީފާގައި ތިބޭ ފުލުހުންގެ އާއިލާތަކަށް ފަރުވާ ދެމުން އަންނަ އުސޫލުން މި އާއިލާތަކަށް ވެސް އެ ޚިދުމަތް ފޯރުކޮށްދޭން ޖެހޭނެ ކަމަށް އިސްލާހުގައި ބުނެއެވެ.
މި އިސްލާހުގެ ދަށުން، ވާޖިބު އަދާކުރަމުން ނިޔާވާ ފުލުހުންގެ ޖަނާޒާ ރަސްމީ ގޮތެއްގައި ބާއްވަން ވެސް ނިންމިދާނެ އެވެ. އެ ނިންމުން ނިންމާނީ އޮފިސަރު ނިޔާވި ގޮތާއި ހާދިސާ ހިނގި ގޮތާއި އޭނާ އަދާކުރި ދައުރު ބަލައި، އެގްޒެކެޓިވް މެނޭޖްމަންޓް ބޯޑަށް ހުށަހަޅައިގެން އެވެ.
މީގެ ކުރިން ކޮމިޝަނަރ އޮފް ޕޮލިސް އަހުމަދު މުހައްމަދު ވަނީ، 25 އަހަރު ޚިދުމަތްކޮށް ރިޓަޔަރވާ ފުލުހުންނަށް ވަޒީފާގައި ހުރިއިރު ލިބޭ ހިލޭ ފަރުވާގެ އިނާޔަތް ދެމެހެއްޓޭނެ އިންތިޒާމެއް ހަމަޖައްސާނެ ކަމަށް ވިދާޅުވެފައެވެ.
ކޮމެންޓު ފޮނުވާ