ޓްރެފިކް ގާނޫނާއި ގަވާއިދުތަކާ ތަކުރާރުކޮށް ހިލާފުވާ ފަރާތްތަކާމެދު، ކަމާބެހޭ މުއައްސަސާތަކާ ގުޅިގެން ހަރުކަށި ފިޔަވަޅުތައް އަޅަން ދިވެހި ފުލުހުންގެ ޚިދުމަތުން ނިންމައިފިއެވެ.
ކޮމިޝަނަރ އޮފް ޕޮލިސް އަހްމަދު މުހައްމަދު އާންމުކުރެއްވި މެސެޖެއްގައި ވިދާޅުވީ، ގަވާއިދުތަކަށް ހިލާފުވާ ކުޑަ ބަޔަކުގެ އަމަލުތަކުގެ ސަބަބުން މުޖުތަމަޢުގެ ގިނަ ބަޔެއްގެ ހައްގުތަކަށް އުނިކަން ލިބެމުންދާ ކަމަށާއި، މަގުމަތީގައި ނުރައްކާތެރި ހާދިސާތައް ތަކުރާރުކޮށް ހިނގަމުންދާ ކަމަށެވެ.
ސީޕީ ވިދާޅުވި ގޮތުގައި، މި ފިޔަވަޅުތަކުގެ މައިގަނޑު މަގުސަދަކީ ހުރިހާ ރައްޔިތުންނަށްވެސް މަގުތައް ރައްކާތެރި ތަނަކަށް ހެދުމެވެ. މި ކަމަށްޓަކައި ފުލުހުންގެ ހުރިހާ ބަހާތަކަށް އިރުޝާދު ދެއްވާފައިވާއިރު، ފިޔަވަޅުތައް އަޅާނީ ގްރޭޓަރ މާލެ އޭރިޔާއާއި އަތޮޅުތަކުގެ ރަށްރަށުގައެވެ.
މި މަސައްކަތުގައި ފުލުހުންނާ އެއްބާރުލުން ދެއްވުމަށް ސީޕީ ވަނީ ހުރިހާ ފަރާތަކަށް އެދިވަޑައިގެންފައެވެ.
ކޮމެންޓު ފޮނުވާ