ނ.ފޮއްދޫ ކައުންސިލްގެ އަންހެން މެމްބަރު ޝިފާނާ އީސާ ޕީޕީއެމްއާއި ގުޅިއްޖެއެވެ.
ޝިފާނާ ޕީޕީއެމްއާއި ސޮއިކޮށް ފޯމު ހަވާލު ކުރެއްވީ ރިޔާސީ ކެމްޕޭންގައި މިރޭ ނ.ވެލިދޫގައި ބޭއްވި ޖަލްސާގައެވެ. ޝިފާނާގެ ފޯމާއި ހަވާލުވީ ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒުއާއި، ޕީއެންސީގެ ރައީސް އަބްދުއްރަހީމެވެ. ޝިފާއަކީ ފޮއްދޫގެ ކައުންސިލްގައި އެންމެ ހަރަކާތްތެރި އަދި އެރަށުގެ ތަރައްޤީއަށް ގިނަ މަސައްކަތްތަކެއް ކުރައްވާ މެމްބަރެކެވެ.
ޝިފާނާ ސޮއި ކުރުމާއި ގުޅިގެން ޕީޕީއެމްއިން ވަނީ އެނާއަށް މަރުހަބާ ދަންނަވާފައެވެ. މިރޭގެ ޖަލްސާގައި މުއިއްޒު ވަނީ ނ.އަތޮޅުގެ ރަށްތަކުން ހުށަހެޅި ކަންކަން ދެން އުފެދޭ ޕީޕީއެމް، ޕީއެންސީގެ ވެރިކަމެއްގައި ހާސިލްކޮށްދެއްވާނެ ކަމުގެ އުފާވެރި ޚަބަރު ދެއްވާފައެވެ.
ނ.އަތޮޅުގެ ކޮންމެ ރަށެއްގައިވެސް ތަރައްޤީއަށް ބޭނުންވާ އެތައް ކަމެއް ކުރަން ހުރިއިރު އެކަންކަން ކުރުމަކީ ވެރިކަން ލިބިއްޖެނަމަ ލަސްނުކޮށްކުރާނެ ކަންތައްތަކެއް ކަމަށް ޑރ.މުއިއްޒު ވިދާޅުވިއެވެ.
ނ.އަތޮޅަށް މުއިއިއްޒު ކުރައްވާ ދަތުރުގައި އެއަތޮޅުން ގިނަ ބަޔަކު ގެންދަނީ ޕީޕީއެމްއާއި ގުޅި މުއިއްޒުއަށް ތާއީދު ކުރަމުންނެވެ.
