ރާއްޖޭގެ މަޝްހޫރު ވިޔަފާރިވެރިޔާ އަހްމަދު އާރިފް (އާއްޓޭ) ޕީޕީއެމްއަށް ސޮއިކޮށް، ޑރ.މުއިއްޒުގެ ރިޔާސީ ކެމްޕޭނާއި ގުޅިވަޑައިގެންފިއެވެ.
މިރޭ ކުޑަހުވަދޫގައި ބޭއްވި ޚާއްސަ ޖަލްސާގައި އާއްޓޭ ވަނީ ޕީޕީއެމްއާއި ގުޅުމަށްފަހު ފޯމު ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒުއާއި ހަވާލުކޮށްފައެވެ. އޭނާ ވަނީ ސޮއި ކުރުމަށްފަހު ވާހަކަ ދައްކަވަމުން ޕީޕީއެމްއާއި ގުޅުނީ ތަރައްޤީއާއި ކުރިއެރުމަށް ލޯބިކުރާތީ ކަމަށް ވިދާޅުވެފައެވެ.
އޭނާ ވަނީ މިރޭގެ ޖަލްސާގައި އެމްޑީޕީއާއި މިސަރުކާރުގެ ސިޔާސަތުތަކަށް ވަރަށް ބޮޑަށް ފާޑު ވިދާޅުވެފައެވެ. ޚާއްސަކޮށް ތަކެތީގެ އަގު އުފުލި ރައްޔިތުން އުފުލަމުންދާ ހިއްދަތި ހާލަތަކީ މިސަރުކާރުން ގެނައި ދޯހަޅި ސިޔާސަތުގެ ސަބަބުން ރައްޔިތުން އުފުލަމމުންދާ ތަކުލީފް ކަމަށް އާރިފް ވިދާޅުވިއެވެ.
PPM aa alah gulhivadaigennevi beyfulhunnah Marhabaa. #MavesPPM pic.twitter.com/NaboBBS1zX
— Progressive Party of Maldives (@ProgressPartyMV) August 16, 2023
އާއްޓޭގެ އިތުރުން މިޖަލްސާގައި ކުޑަހުވަދޫގެ އަންހެނުންގެ ކޮމެޓީގެ މެމްބަރަކާއި، އާންމު ގިނަ އަދަދެއްގެ މެމްބަރުން ވަނީ ޕީޕީއެމްއަށް ސޮއިކޮށް ފޯމު ޑރ.މުއިއްޒުއާއި ހަވާލު ކުރައްވާފައެވެ.
