ރައީސުލްޖުމްހޫރިއްޔާ އަދި އެމްޑީޕީގެ ރިޔާސީ ކެންޑިޑޭޓް އިބްރާހީމް މުހައްމަދު ސޯލިހްގެ ރަނިންމޭޓަކަށް އެމްޑީޕީގެ ޕާލިމެންޓްރީ ގުރޫޕްގެ ލީޑަރު މުހައްމަދު އަސްލަމްކަމަށް އެމްޑީޕީން ރަސްމީކޮސް އިއުލާންކޮށްފިއެވެ.

ރައީސް ސޯލިހްގެ ރަނިންމޭޓަކަށް އަސްލަމް ހަމަޖައްސަވާފައިވާ ކަމަށް އެމްޑީޕީގެ ތަރުޖަމާން އަނަސް އަބްދުއްސައްތާރު ކުރެއްވި ޓްވީޓެއްގައި ވަނީ ޔަގީންކޮށްދެއްވާފައެވެ. އަސްލަމްގެ ކުށުގެ ރެކޯޑް ސާފުކުރައްވަމުން ގެންދަވާ ކަމަށް އޭނާ ވެސް ވަނީ އަވަސްއަށް ޔަގީންކޮށްދެއްވާފައެވެ.

އަސްލަމަކީ އެމްޑީޕީގެ ތިއްބެވި ސިޔާސީ ގޮތުން އެންމެ ތަޖުރިބާ ބޮޑު ބޭފުޅުންގެ ތެރޭގައިވެސް ހިމެނޭ ބޭފުޅެކެވެ. އޭނާ ރައްޔިތުން މަޖިލީހުގެ މެންބަރުކަން ކުރައްވާތާ ވެސް 15 އަހަރަށް ވުރެ ގިނަ އަހަރު ވެއްޖެއެވެ. ރައީސސް ޞާލިހުގެ މިހާރުގެ ނައިބް ރައީސް ފައިސަލް ނަސީމަށް އަސްލަމް ހަމަޖެއްސެވިކަން ވަނީ އިއްޔެ އަންނަވާފައެވެ.

ކުރިއަށް އޮތް ރިޔާސީ އިންތިހާބުގައި އެމްޑީޕީގެ ރިޔާސީ ކެންޑިޑޭޓް ރައީސް @ibusolih ގެ ރަނިންގ މޭޓަކަށް އެމްޑީޕީގެ ޕީޖީ ލީޑަރ @aslamdp ހަމަޖައްސަވައިފި.

މި ފުރުސަތުގައި ޕީޖީ ލީޑަރ މުހައްމަދު އަސްލަމަށް ވަރަށް ހޫނު މަރުހަބާއެއް ދަންނަވަން.#UfaaveriAmaanRaajje

— Anas Abdul Sattar (@anasabdulsattar) August 5, 2023

ރައީސް ސޯލިހްގެ ރަނިންމޭޓެއްގެ ގޮތުގައި 2018 ވަނަ އަހަރު ފައިސަލް ހަމަޖައްސާފައި ވަނީ ޖުމްހޫރީ ޕާޓީ (ޖޭޕީ) ގެ ސްލޮޓެއްގައެވެ. އެ ފަހަރު ކުރީގެ ރައީސް ޔާމީންގެ ވެރިކަން ބަދަލު ކުރުމަށް އެމްޑީޕީން ވަނީ ޖުމްހޫރީ ޕާޓީ، އަދާލަތު ޕާޓީ އަދި އެމްއާރުއެމްއާ އެކުގައި ކޯލިޝަނެއް ހަދައިފައެވެ.

ޖޭޕީން ރަނިންމޭޓެއްގެ ގޮތުގައި ބޭފުޅަކު ކަނޑައެޅީ އެ ޕާޓީގެ ކައުންސިލްގައި ނެގި ސިއްރު ވޯޓެއްގައެވެ. ރަނިންމޭޓު ކަމަށް ފައިސަލްއާ ވާދަކުރެއްވީ ރައްޔިތުންގެ މަޖިލިހުގެ ކެންދޫ ދާއިރާގެ މެމްބަރު އަލީ ހުސެއިނެވެ. ފައިސަލް ވަނީ ވަރަށް ކުޑަ ތަފާތަކުން އަލީ ހުސެއިންގެ މައްޗަށް ކުރި ހޯއްދަވައިފައެވެ.

މިފަހަރު ރައީސްގެ ރަނިންމޭޓަކު ކަނޑައެޅުމަށް ރައީސް ކޯލިޝަންގެ އިސްވެރިންނާއި، އެމްޑީޕީގެ އިސް ބޭފުޅުންނާއި މަޝްވަރާ ކުރައްވާފައެވެ. މަޝްވަރާތަކަށްފަހު ހުށަހެޅުނު ނަންތަކުގެ ތެރެއިން ރައީސް ނިންމެވީ އަސްލަމަށް ރަނިންމޭޓްކަން ދެއްވުމަށެވެ. ރައީސް ސޯލިހްގެ ރަނިންމޭޓު ކަމަށް ފައިސަލްގެ އިތުރުން އަދާލަތު ޕާޓީގެ ރައީސް އަދި ހޯމް މިނިސްޓަރު އިމްރާން އާއި ފޮރިން މިނިސްޓަރު ޝާހިދު ވެސް ޝައުގުވެރިކަން ފާޅު ކުރި ކަން އެނގިފައިވެއެވެ.