އިންޑިއާގެ ރަންއަޑުގެ ވެރިޔާގެ ގޮތުގައި ބޮޑޫ މަގުބޫލު ކަމެއް ހޯދައިފައިވާ މަޝްހޫރު ލަވަ ކިއުންތެރިއާ ޝްރެއާ ގޯޝަލް އާއި މޮރޮކޯގެ މަޝްހޫރު ލަވަކިޔުންތެރިޔާ ސާދު ލަމްޖަރަދު އެކުގައި ކިޔައފައިވާ ލަވައެއް އޯޑިއޯ އައި އެކުގައި ބެލުންތެރިންނަށް ދޫކޮށްލައިފިއެވެ.
އަރަބި އަދި ހިންދީ ބަހުން ކިޔައިފައިވާ މި ލަވައިގެ ނަމަކީ "ގުލި މަތާ" އެވެ. މި ލަވައިގެ ކަޑިއެއް ޝްރެއާ ވަނީ އަރަބިބަހުން ވެސް ކިޔައިފައިއެވެ. މަޑުމައިތިރި ރާގެއްގެ މަޑުމަތިރި މި ލަވަ އަކީ ވަރަށް ހިތްގައިމު ލަވައެކެވެ.
ބެލުންތެރިންނަށް ލަވަ ގެެނެސްދީފައި ވަނީވެސް ވީޑިއޯ އާއި ވެސް އެކުގައިއެވެ. މި ލަވައިގެ ވީޑިއޯ އިން ފެނިގެންދަނީ ސާދުއާ އެކު ހިންދީ ޑްރާމާތަކުގައި މަޝްހޫރު އެކްޓްރެސް، ޖެނިފާ ވިންގެޓް އެވެ.
ޝްރެއާ ވަނީ މީގެ ކުރިން ވެސް އެކި ބަސްބަހުން ލަވަ ކިޔައި ބެލުންތެރިންގެ ސަމާލުކަން އަތުލައިފައިއެވެ. މީގެ އިތުރުން އޭނާ ވަނީ ކާމިޔާބު ގިން ލަވަތަކެއް ސޯލޯ އަދި ފިލްްމް ތަކަށްވެސް ކިޔައިދީފައިއެވެ.
