ބޮލީވުޑްގެ ތަރި ޝާހްރުކް ޚާންގެ ދަރިފުޅު އަރިއަން ޚާން ލިޔެ، ޑައިރެކްޓްކުރަން ތައްޔާރުވަމުން އަންނަ ވެން ސީރީޒް "ސްޓާޑަމް" ގެ ވަރަށް ހާއްސަ ފެނިލުމަކުން ރަންބީރް ކަޕޫރް ވެސް ފެންނާނެ ކަމަށް ރިޕޯޓްތައް ބުނެފި އެވެ.
މި ވެބް ސީރީޒް އިން ގިނަ އަދަދެއްގެ އޭ ލިސްޓްގެ ތަރިން ފެނިގެން ދާއިރުގައި މިއީ އާރިޔަން ގެ ފުރަތަމަ އުފެއްދުމެވެ. އެހެން ކަމުން ވަރަށް ގިން ބައެއްގެ އުންމީދުތަށް ވަނީ މި ވެބް ސީރީޒް އާއި ގުޅިފައިއެވެ.
މީގެ ކުރިން ވަނީ މި ވެބް ސިރީޒް އިން އާރިޔަންގެ ބައްޕަ ޝާހުރުކް ހާން އާއި ރަންވީރު ސިންގް ފެނިގެންދާނެ ކަމަށް ރިޕޯޓް ކޮށްފައިއެވެ. އެމީހުންވެސް ފެނިގެންދާނެ ކަމަށް ވަނީ ހާއްސަ ރޯލު ތަކުނެވެ.
ފިލްމީ ޚަބަރުތައް ގެނެސްދޭ މީޑިއާތަކުން ބުނީ މީގެ މަސައްކަތް މިހާރު ވަރަށް ބާރަށް ކުރިއަށްދާ ކަމަށާއި އޭގެ ހާއްސަ ފެނިލުމެއްގައި ހިއްސާވެދޭން ރަންބީރްގެ ކިބައިން އެދުމާ އެކީ ވަގުތުން އެއްބަސްވެފައިވާ ކަމަށެވެ.
View this post on Instagram
މި ސީރީޒް އާއި ބެހޭ ގޮތުން މިހާ ތަނަށް އަދި މާގިނަ މައުލޫމާތެއް ހާމަކޮށްފައިއެއް ނުވެއެވެ. ނަމަވެސް މިއީ އާރިޔާން ގެ ބައްޕަ ޝާހުގެ ރެޑް ޗިލީ އިން ޕްރޮޑިއުސް ކުރާނެ ސީރީޒްއެއް ކަމަށް ވެއެވެ.
އެގޮތުން 6 އެޕިސޯޑަށް ހަދަން ނިންމާފައިވާ "ސްޓާޑަމް" ގެ ކާސްޓްގައި ބައެއް ޑްރާމާ ސިލްސިލާ ތަކުން މަގުބޫލުކަން ހޯދައިފައިވާ ތަރިންނާއި ބޮލީވުޑްގެ ޒުވާން ތަރިން އަދި ދުވަސްވީ ތަރިން ހިމެނޭކަމަށް ހަބަރު ލިބެއެވެ.
