ފިކުރެއްގެ ދިރުންވާނީ ރާއްޖޭގެ އެންމެ ބައިވެރިވުން ބޮޑު ސިޔާސީ ޕްލެޓްފޯމަށް ކަމުގައި ރައްޔިތުންގެ މަޖިލީހުގެ ކުޅުދުއްފުށީ އުތުރު ދާއިރާގެ މެމްބަރު ޔާސިރު އަބްދުއްލަތީފް ވިދާޅުވެއްޖެއެވެ.
އެމްޑީޕީގެ ރިޔާސީ ޕްރައިމަރީގައި ރައީސް ޞާލިހު ދޫކޮށް ރައީސް ނަޝީދަށް ތާއީދު ކުރެއްވި ޔާސިރު ވިދާޅުވީ ދިޔާސީ ޕާޓީތަކުގައި މިވަގުތު ހަރަކާތްތެރިވާ މީހުންގެ އަދަދާއި ބައިވެރިވުމަށް ބަލާއިރު، ސިޔާސީ ޕާޓީތަކުގެ ނިންމުތަކުގައި ބަސްކިޔެނީ މަދު ބަޔަކަށް ކަމަށެވެ. ނަމަވެސް ރައީސް ނަޝީދު އިސްކޮށް ހުންނަވައިގެން އުފައްދަވާ ސިޔާސީ ޕާޓީ ވެގެންދާނީ ރާއްޖޭގެ އެންމެ ގިނަ ބަޔަކު ބައިވެރިވާ ޕްލެޓް ފޯމަށް ކަމަށް އޭނާ ވިދާޅުވިއެވެ.
ކިތަންމެ ރައްޔިތުންކީ ނަމަވެސް މިވަގުތު ހުރި ސިޔާސީ ޕްލެޓްފޯމް ތަކުގެ ނިންމުންތަކުގައި ބަސްކިޔަނީ މަދުއަދަދެއް. މި ޕްލެޓްފޯމް ވެގެންދާނީ ދިވެހިރާއްޖޭގެ އެންމެ ބައިވެރިވުން ބޮޑު ސިޔާސީ ޕްލެޓްފޯމަށް. ސިޔާސީ މަގާމެއް އަދާ ނުކޮށް ގައުމުގެ ނިންމުން ތަކުއި ޒުވާނުން ބަސްކިޔަން ބޭނުންވޭ.
– ޔާސިރު ވިދާޅުވިއެވެ.
އެމްޑީޕީގެ ރިޔާސީ ޕްރައިމަރީގައި ކުރިމަތިވެވަޑައިގެންނެވި ނާކާމިޔާބީއަށް ފަހު ރައްޔިތުންގެ މަޖިލީހުގެ ރައީސް މުހައްމަދު ނަޝީދު ފެށްޓެވި "ފިކުރެއްގެ ދިރުން" އާ ސިޔާސީ ޕާޓީއެއްގެ ގޮތުގައި އުފައްދަން ފެށި މަސައްކަތުގައި، އެ ޕާޓީއަށް ނަމަކާއި ކުލައެއް ކަނޑައަޅަން އާންމުންގެ ހިޔާލަށް ވަނީ ހުށަހަޅާފައެވެ. ފިކުރެއްގެ ދިރުމުގެ ފަރާތުން އުފައްދާ ޕާޓީއަށް ނަމަކާއި ލޯގޯއާއި ކުލަ ކަނޑައެޅުމަށް ޓަކައި ފުރުސަތު ހުޅުވައިލީ މާދަމާ ހެނދުނު 6:00 އާ ހަމައަށެވެ. އެ ކަމަށް ހިޔާލު ހުށަހެޅުމަށް ފުރަން ޖެހެނީ އޮންލައިން ފޯމެކެވެ.
"ފިކުރެއްގެ ދިރުން" މިއީ އެމްޑީޕީގެ ރިޔާސީ ޕްރައިމަރީގައި ނަޝީދު ބޭނުން ކުރެއްވި ޝިއާރެކެވެ. ޕްރައިމަރީގެ ނަތީޖާއާ މެދު ސުވާލު އުފައްދަވައި އެ ނަމުގައި ފުރަތަމަ އުފެއްދީ އެމްޑީޕީގެ އެތެރޭގެ ގޮތްޕެކެވެ. އެ ހަރަކާތުން އާ ޕާޓީއެއް އުފައްދާނެ ކަން އިިއުލާނު ކުރީ އެ ހަރަކާތުގައި އިސްކޮށް އުޅުއްވި، ރައްޔިތުންގެ މަޖިލީހުގެ މެދު ހެންވޭރު ދާއިރާގެ މެމްބަރު އަލީ އާޒިމް އެމްޑީޕީން ވަކިވުމާ އެކު ފިކުރެއްގެ ދިރުމުގެ ދެން ތިއްބެވި ޕާލަމެންޓޭރިއަނުން އެމްޑީޕީ ވަކިވުމަށް ފަހު މިދިޔަ ބުދަ ދުވަހުއެވެ.
One Response
ލާދީނީ ފިކުރު ވާނީ އަންނަން އޮތްޖީލު ފުނޑުކުރާ ޕުލެޓް ފޯމަކަށް ވަރަށް ވަރަށް ސާފް