ސިޔާސީ އެކި މަޤާމުތަކުގައި ތިބި އެމްއާރުއެމްގެ ބޭފުޅުން މަޤާމުތަކުން ވަކިކޮށް ކޯލިޝަނުން އެމްއާރުއެމް ބޭރުކުރުމަށް ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހިމް ޝަރީފް ވިދާޅުވެއްޖެއެވެ.
އޭނާ މިހެން ވިދާޅުވީ ޗާގޯސް އާއި ރާއްޖެއާ ދެމެދުގައިވާ ކަނޑުގެ ސަރަހައްދުގެ އިން ވަކިކުރަން މިދިޔަ ހުކުރު ދުވަހު، އެކަމާ ބެހޭ ބައިނަލްއަގުވާމީ ޓްރައިބިއުނަލުން ނިންމާފައި ވިޔަސް، އެ މައްސަލައިގައި ސަރުކާރުން ގެންގުޅޭ ސިޔާސަތާ ދެކޮޅު ހެދުމަށް، ސަރުކާރު ކޯލިޝަންގައި ހިމެނޭ މޯލްޑިވްސް ރޯފޯމް މޫވްމަންޓް (އެމްއާރުއެމް)އިން ނިންމާފައިވާ ދަނޑިވަޅެއްގައެވެ.
ޝަރީފް ވިދާޅުވީ އެމްޑީޕީގެ ކޯލިޝަންގައި މިވަގުތު އެމްއާރުއެމް އިން އޮތީ ވަކި މަޤުސަދެއް ހާސިލް ކުރުމަށްޓަކައި ކަމަށެވެ. އެމްއާރުއެމްއިން ސަރުކާރުގައި ތިބެގެން ކުރަމުންދަނީ ސަރުކާރަށް ޖެއްސުން ކަމަށާއި، އެޖާގަ ސަރުކާރުގެ ތެރެއިން ނުދިނުމަށް ޝަރީފް ވަނީ ގޮވާލާފައެވެ. އަދި ސިޔާސީ މަޤާމުތަކުގައި ތިބި އެމްއާރުއެމްގެ މެމްބަރުން ވަކިކޮށް ކޯލިޝަނުން އެމްއާރުއެމް ވަކިކުރުމަށް ޝަރީފް ވަނީ ގޮވާލާފައެވެ.
އެމްއާރުއެމް ކޯލިޝަން އެމްޑީޕީއާއިއެކު އޮތީ ވަކި ބޭނުމަކު. ސަރުކާރުގަ ތިބިގެން ކުރަނީ ޖެއްސުން. ސިޔާސީ މަޤާމުތަކުގައި ތިބި އެމްއާރުއެމްގެ ވަކި ކޯލިޝަނުން އެމްއާރުއެމް ބޭރުކޮށްލަން ގޮވާލަން.
– ޝަރީފް ވިދާޅުވިއެވެ.
ކުރީގެ ރައީސް މައުމޫން އަބްދުލްގައްޔޫމް ޒައީމްކަން ކުރައްވާ އެމްއާރުއެމްއިން މި ގޮތަށް ނިންމީ ރޭ ބޭއްވި އެ ޕާޓީގެ އެގްޒެކްޓިވް ކޮމިޓީގެ ކުއްލި ބައްދަލުވުމުގައި ވަނީ ބައްދަލުވުމަށް ހާޒިރުވެވަޑައިގެންނެވި ގާތްގަނޑަކަށް 30 މެންބަރުންގެ ތެރެއިން 20އަށް ވުރެ ގިނަ ބޭފުޅުން ވޯޓު ދެއްވީ ޗާގޯސް މައްސަލައިގައި ސަރުކާރުގެ ސްޓޭންޑާ ދެކޮޅު ހެދުމަށެވެ. އެނގިފައިވާ ގޮތުގައި، އެ ނިންމުން ފާސްވުމާ އެކު، އެމްއާރުއެމްއިން ވަނީ، މި މައްސަލައިގައި ހަރަކާތްތަކެއް ހިންގަން ވެސް ނިންމާފައެވެ.
އެމްއާރުއެމްއިން ސަރުކާރުގެ ސްޓޭންޑާ ދެކޮޅު ހަދައި އެ ކަމުގެ ކަންބޮޑުވުން ފާޅުކުރުމަށް ރައީސް އޮފީހަށް ސިޓީއެއް ފޮނުވުމަށް
އެމްއާރުއެމްގެ ރައީސްކަން ކުރައްވާ، މައުމޫންގެ ދަރިކަލުން ފާރިސް މައުމޫން ރިޔާސަތު ބެލެހެއްޓެވި އެ ބައްދަލުވުމުގައި ސަރުކާރުގެ ސްޓޭންޑާ އެއްކޮޅަށް ވެސް ބައެއް މެންބަރުން ވާހަކަދެއްކެވިއެވެ. އޭގެ ތެރޭގައި، ހެރިޓޭޖް މިނިސްޓަރުކަން ކުރައްވާ، މައުމޫންގެ ދަރިކަނބަލުން ޔުމްނާ މައުމޫން ވެސް ހިމެނިވަޑައިގަންނަވައެވެ.
One Response
މަވޯޓާ މި ހާދަ ފުއްޕާ ބެގަނޑެކޭ