ބޮލީވުޑްގެ ހުނަރުވެރި ތިން ބަތަލާއިން ކަމުގައިވާ ތައްބޫ އާއި ކަރީނާ ކަޕޫރު އަދި ކްރިތީ ސެނޮން އެކުގައި ފެނިގެންދާ ފިލްމް "ދަ ކްރޫ" ގެ ޝޫޓިން ފަށައިފިއެވެ.
ކްރިތީ ވަނީ އޭނާގެ ސޯޝަލް މީޑިއާގައި ފިލްމްގެ ޝޫޓިން ފެށިކަން އިއުލާން ކޮށް ޕޯސްޓެއް ކޮށްފައިއެވެ. ތިން ތަރިން މައިގަޑު ރޯލު ކުޅޭ މި ފިލްމް ގެ ރޯލަކުން ދިލްޖީތް ދޮސާންޖާ ވެސް ފެނިގެންދާނެއެވެ.
އެކްތާ ކަޕޫރާއި ރިއާ ކަޕޫރް ގުޅިގެން ޕްރޮޑިއުސްކުރާ ފިލްމު ރަސްމީކޮން އިއުލާން ކުރީ މިދިއަ އަހަރުގައިއެވެ. ފިލްމް ގެ ލީޑުން ފެނިގެންދާނީ 3 އަންހެން ތަރިންނެވެ. މީ މި ތިންތަރިން އެކުގައި ފިލްމް އަކުން ފެނިގެންދާނެ ފުރަތަމަ ފަހަރެވެ.
View this post on Instagram
ރާޖޭޝް ކްރިޝަންނަން ޑައިރެކްޓް ކުރާ "ދަ ކްރޫ" ގެ ޝޫޓިން ފެށި ނަމަވެސް މި ފިލްމު ބެލުންތެރިންނަށް ގެނެސްދޭނެ އިރެއް އަދި އިއުލާނެއް ނުކުރެ އެވެ. މިއީ އޭވިއޭޝަން ދާއިރާގައި އުޅޭ އަންހެނުންތަކެއްގެ ވާހަކަ ކިޔައިދޭނެ ފިލްމެކެވެ.
View this post on Instagram
މި ފިލްމް އަކީ ""ވީރޭ ދީ ވެޑިން" އަށް ފަހު އެކްތާ އަދި ރިއާ ގުޅިގެން ހަދާ ދެވަނަ ފިލްމްއެކެވެ. "ވީރޭ ދީ ވެޑިން" އަކީވެސް ލީޑުން ހުސް އަންހެނުން ފެނިގެންދިއަ ފިލްމްއެކެވެ. އޭގެ އެއްބަތަލާ އަކީ ކަރީނާ ކަޕޫރެވެ.
