މެލޭޝިއާގައި ދިރިއުޅޭ ގައުމުން ބޭރުގެ މީހުންނަށް ވެކްސިން ދިނުމުގައި ތަފާތު އުސޫލުތަކެއް

މެލޭޝިއާގެ ހުރިހާ ރައްޔިތުންނަށް ކޯވިޑް19 ވެކްސިން ހިލޭ ދޭގޮތަށް އެގައުމުގެ ސަރުކާރުން ހަމަޖައްސާފައިވާއިރު، އެގައުމުގައި ދިރިއުޅޭމުންދާ ގައުމުން ބޭރުގެ ރައްޔިތުންނަށް ވެކްސިން ދިނުމުގައި އެގައުމުން ތަފާތު އުސޫލުތަކެއް ހަމަޖައްސައިފިއެވެ.

ވެކްސިން ދިނުމާ ގުޅެގޮތުން ބޭއްވި ޚާއްސަ ނޫސްވެރިންގެ ބައްދަލުވުމެއްގައި މެލޭޝިއާގެ ބޮޑޫވަޒީރު، ޓަން ސެރި މުހުޔިއްދީން ޔާސިން ވިދާޅުވީ އެގައުމުގައި ދިރިއުޅެމުންދާ ގައުމުން ބޭރުގެ ރައްޔިތުންނަށް ކޯވިޑް19 ވެކްސިން ޖަހާދޭނީ މެލޭޝިއާގެ ހެލްތު މިނިސްޓްރީން ހަމަޖައްސާ އަގެއް ދެއްކުމުން ކަމުގައެވެ.

މެލޭޝިއާއިންވެސް ވެކްސިން އުފައްދާ ކުންފުނިތަކާއި ވާހަކަ ދައްކައިގެން އެގައުމުގެ ރައްޔިތުނަށް ބޭނުންވާ ވަރަށް ކޯވިޑް ވެކްސިން ހޯދުމަށް މަސައްކަތް ކުރަމުން ދާއިރު، މިހާތަނަށް އައިއިރު އެގައުމުގެ އަމިއްލަ ކުންފުނިތަކުން މިވެކްސިން ފޯރުކޮށްދޭނެ ކަމެއް އެގިފައެއް ނުވެއެވެ.

އެހެންނަމަވެސް، މިވެކްސިން ހޯދުމަށް ބޭރުގެ ކުންފުނިތަކާ އެގައުމުގެ ސަރުކާރުން ވާހަކަ ދައްކަމުން އަންނައިރު، ވެކްސިން ހެޔޮ އަގުގައި ލިބޭނެ ގޮތް ވެއްޖެނަމަ، މެލޭޝިއާގެ އަމިއްލަ ކުންފުނިތަކުންވެސް ވެކްސިން ހޯދުމަށް އެގައުމުގެ ސަރުކާރުން ފަންޑު ކޮށްދޭނެކަމަށް، ބޮޑުވަޒީރު މުހިޔިއްދީން މި ނޫސްވެރިންގެ ބައްދަލުވުމުގައި ވަނީ ވިދާޅުވެފައެވެ.

ކޯވިޑް19 އެންމެ ފުރަތަމައަށް ދުނިޔެއަށް ފެތުރިގެން އައިއިރު، މެލޭޝިއާ ހިމެނިގެން ދިޔައީ އެންމެ ބޮޑަށް މިބަލި ކޮންޓްރޯލް ކުރި ގައުމުތަކުގެ ތެރޭގައެވެ. އެހެންނަމަވެސް، އެގައުމުގަ ވަކިން އޮންނަ ސިޓީއެއް ކަމުގައިވާ ސަބާ ސަރަވާކްގައި ކޯވިޑް19 ކާރިސާގެ ތެރޭގައި އާންމު އިންތިޚާބެއް ބޭއްވިފަހުން އެގައުމުގައި މިބަލިވަނީ ގިނަ އަދަދަކަށް ފެތުރެން ފާށާފައެވެ. އަދި މިހާރު ބަލިދަނީ ވެރިކަން ކުރާ ރަށް ކުއާލާލަމްޕޫރުގައި ވެސް ބާރަށް ފެތުރެމުންނެވެ.

ކޯވިޑް19ގެ ހާލަތު މެލޭޝިއާގައި ގޯސްވާން ފެށުމާއެކު އެގައުމުންވަނީ ބޯޑަރުތައް ވަކި މުއްދަތެއް ނެތްގޮތަށް ބަންދު ކޮށްފައެވެ. ނަތީޖާއެއްގެ ގޮތުން މެލޭޝިއާގެ ޔުނިވަރސިޓީތަކުގައި ކިޔަވަމުންދާ ގައުމުން ބޭރުގެ އެތައްހާސް ކުދިންނަކަށް އެގައުމަށް ވަދެވޭނެ މަގުވަނީ ބަންދުވެފައެވެ.

ފަހުން މެލޭޝިއާގެ ސަރުކާރުން ނިންމީ، އެގައުމަށް ވަންނަ ގައުމުން ބޭރުގެ ކޮންމެ ރައްޔިތަކުވެސް، އަމިއްލައަށް ކަރަންޓީނު ވުމަށްޓަކާ ސަރުކާރުން ބަހައްޓާ ހޮޓަލަށް އަގު ދައްކަންޖެހޭ ގޮތަށެވެ. މީގެއިތުރުން، މެލޭޝިއާގެ އެއަރޕޯޓަށް ފޭބުމަށްފަހު އެއަރޕޯޓުގައި ކުރަންޖެހޭ ޕީސީއާރު ޓެސްޓުތަކަށްވެސް އަމިއްލައަށް އަގު ދައްކަން ޖެހޭގޮތަށްވެސް އެގައުމުގެ ސަރުކާރުން ނިންމާފައިވެއެވެ. ނަތީޖާއެއްގެ ގޮތުން އެގައުމަށް އެތެރެވާ ގައުމުން ބޭރުގެ ރައްޔިތުންނަށް މެލޭޝިއާއަށް އެތެރެވުމަށް އެތައްހާސް ޑޮލަރެއް ޓިކެޓްގެ އިތުތަށް ޚަރަދު ކުރަންޖެހެއެވެ.

މެލޭޝިއާއަކީ ދިވެހި އަތަކެއް ހާސް ރައްޔުތުން ތައުލީމު ހާސިލް ކުރުމަށާ އަދި، ދިރުޅުމަށްޓަކާވެސް އެގައުމަށް ހިޖުރަ ކޮށްފައިވާ ގައުމެކެވެ. ތަފާސް ހިސާބުތައް ދައްކާގޮތުން، މެލޭޝިއާގައި މިހާރު ތައުލީމު ހާސިލް ކުރުމަށާ އަދި އެނޫން ބޭނުންތަކުގައުމުގައި 3500 އަށްވުރެ ގިނަ އަދަދަކަށް ދިވެހީން ދިރިއުޅެމުން ދެއެވެ.

އަދި އެގައުމުގައި ތައުލީމު ހާސިލް ކުރަމުންދާ ގިނަ ދަރިވަރުނަނަށް ވަނީ، ބޯޑަރު ބަންދު ކޮށްފަ އޮތުމާއި، އަި މީގެ އިތުރުން އެގައުމަށް އެތެރެވުމަށް ކުރަންޖެހޭ ޚަރަދުގެ ބޮޑުކޮމަމުން އެގައުމަށް އެބުރި ދެވޭގޮތް ނުވެފައެވެ.