ބޮލީވުޑްގެ މަޝްހޫރު ބަތަލާ އަދި ކުރީގެ ބިއުޓީ ކުއީން ސުޝްމިތާ ސެން ހާޓް އެޓެކެއް ޖެހިގެން އެކަމަށް ފަރުވާ ކޮށްފައިވާ ކަމަށް ބުނެފިއެވެ. އޭނާ މި ހަބަރު ހިއްސާ ކުރަމުން ބުނެފައިވަނީ ހިތަށް އަޅާލުމަށެވެ.
އިންސްޓްގްރާމްގައި އެނާ ވަނީ ސިއްހީ އަޕްޑޭޓް ހިއްސާކޮށްފައިއެވެ. އެއާއި އެކުގައި އޭނާގެ ފޭނުން ވަނީ ހައިރާންވެފައިއެވެ. ސަބަބަކީ ހާޓް އެޓޭކް ޖެހުން ކަން އެނގުނީ ފަރުވާކޮށް ރަނގަޅުވެސް ވި ފަހުން ކަމުގައި ވާތީއެވެ.
މިދިޔަ ބުރާސްފަތި ދުވަހު އިންސްޓަގްރާމްގައި އޭނާ ވަނީ މީގެ ދެ ދުވަސް ކުރިން ހާޓް އެޓޭކެއް ޖެހުނު ކަމަށާއި އެންޖިއޯޕްލާސްޓީ ވެސް ހަދަން ޖެހިފައިވާ ކަމަށް ބުނެފައިއެވެ.
View this post on Instagram
"އާރްޔާ" އަކީ ސެން ސްކްރީނަށް އެނބުރި އައުމާއި 2020 ވަނަ އަހަރުގެ ޖޫން މަހު ޑިޖިޓަލް އަށް ތައާރަފުވި ފިލްމެވެ. މި ސިލްސިލާގައި އޭނާ ކުޅެނީ ކުށުގެ ދުނިޔެއިން އާއިލާ ސަލާމަތް ކުރުމަށް ޓަކައި ހައްދުފަހަނައަޅައި ދާ ހިތްވަރުދޭ އަންހެނެއްގެ ރޯލެވެ.
ރާމް މަދްވާނީ ޑައިރެކްޓްކޮށްފައިވާ މި ސީރީޒްގެ ފުރަތަމަ ސީޒަން ވަނީ އިންޓަނޭޝަނަލް އެމީ އެވޯޑްސްގެ "ބެސްޓް ޑްރާމާ" ސީރީޒަށް ވެސް ނޮމިނޭޓްވެފަ އެވެ. އޭގެ ތެރޭގައި ނަމިތު ދާސް، މަނީޝް ޗައުދަރީ، ސިކަންދަރު ކޭރް އަދި ވިނޯދް ރާވަތު ފަދަ ތަރިން ހިމެނެ އެވެ.
