ބޮލީވުޑްގެ ވަރަށް ގާތް ދެރަހުމަތެރިން ކަމުގައިވާ އަޖޭ ދޭވްގަން އާއި ތާބޫ އެކުގައި ކުޅުމަށް ސޮއިކުރި ލޯބީގެ ފިލްމްގެ ޝޫޓިން ފަށައިފިއެވެ.
ސްޕެޝަލް 26 އަދި އެމްއެސް ދޯނީ: ދަ އަންޓޯލްޑް ސްޓޯރީ ފަދަ ފިލްމުތައް ގެެނެސްދީފައިވާ ނީރަޖް ޕާންޑޭ ޑައިރެކްޓްކުރާ ފިލްމުގެ ނަމަކީ "އޯރޯން މޭ ކަހާން ދަމް ތާ" އެވެ. މިއީ އޭނާ ޑައިރެކްޓްކުރާ 6 ވަނަ ފިލްމެވެ.
ޖިމީ ޝެރްގިލްއާ އެކު ލީޑް ތަރިންނާ އެކު ހޮނިހިރު ދުވަހު ޝޫޓިން ފަށާފައިވާ މި ފިލްމުގެ ޝޫޓިން މުމްބާއީގައި ވަރަށް ފުޅާ ދާއިރާއެއްގައި ކުރިއަށް ގެންދިއުމަށް ވަނީ ހަމަޖެހިފަ އެވެ.
ފިލްމަކީ "އާރްއާރްއާރް" ގެ ލަވަ "ނާތު ނާތު" އިން މި އަހަރުގެ އެންމެ މޮޅު އޮރިޖިނަލް ލަވައިގެ އޮސްކާ އާއި ގޯލްޑެން ގްލޯބް އެވޯޑް ހޯދި މިއުޒިކް ޑައިރެކްޓަރު އެމްއެމް ކީރަވާނީ މިއުޒިކް ހަދާ، ފިލްމްއެކެވެ. މި ފިލްމް އަކީ މިއުޒިކަލް ލަވް ސްޓޯރީއެކެވެ.
View this post on Instagram
ޒަމާންވީ ވަރަށް ގާތް ދެ އެކުވެރިންގެ ގޮތުގައި ވެސް ފާހަގަކޮށްލެވޭ އަޖޭ އާއި ތައްބޫ އެކުގައި ވަނީ ގިން ފިލްްމ ތަކަކުން ފެނިގެން ގޮސްފައިއެވެ. މި ދެތަރިން ދެން އެންމެ އަވަހަށް ފެނިގެންދާނީ ފިލްމު "ބޯލާ"އިންނެވެ. މި ފިލްމް ސިނަމާތަކަށް ގެންނަން ހަމަޖެހިފައި ވަނީ އަންނަ މަހުގެ 30 ގަ އެވެ. މިއީ އަޖޭ ޑައިރެކްޓްކޮށް، ކުޅުނު ހަތަރު ވަނަ ފިލްމެވެ.
