ބަތަލާ ސުޝްމިތާ ސެންގެ ވެބްސީރީޒް "އާރިޔާ" ގެ ތިންވަނަ ސީޒަންގެ ޓީޒާއެއް ދައްކާލައިފި އެވެ.
މި ވެބް ސީރީޒް އަކީ ބެލުންތެރިންގެ މެދުގައި ވަރަށް މަގުބޫލު ޑްރާމާއެކެވެ. ކުރީގެ ބަތަލާ އޯޓީޓީ ޕްލެޓް ފޯމް އަށް ތައާރަފްވި މި ވެބް ސީރީޒް ގައި ދައްކުވައިދެނީ އާއިލާ އަށް ދިމާވާ ނުރައްކާތަކުން އާއިލާ ދިފާއުކުރަން ގުރުބާންވާ ހިތްވަރު ގަދަ، ޖެހިލުންކުޑަ އަންހެނެއްކުރާ މަސައްކަތް ތަކެވެ.
މި ވެބް ސީރީޒް ދައްކަން ފެށީ 2020 ގައި ޑިޒްނީ ޕްލަސް ހޮޓްސްޓާ އިންނެވެ. މީގެ ފުރަތަމަ ސީޒަން ގައި ޖުުމްލަ 9 އެޕިސޯޑް ގެނެސްދިނެވެ. އަދި ޖެހިގެން އައި 2021 ގައި މިގެ ދެވަނަ ސީޒަން އެއް ދެއްކި އިރުގައި ޖުމްލަ 8 އެޕިސޯޑް ގެނެސްދިނުމެވެ.
"އާރިޔާ" ގެ ތިންވަނަ ސީޒަން ގެ ޓިޒާ އެއް ގެނެސްދިން ނަމަވެސް މި ސީޒަން ދައްކަން ފަށާނެ އިރެއް އިއުލާނެއް ނުކުރެއެވެ. މީ ކާތިކް އާރިއަންގެ "ދަމާކާ" އާއި ސޯނަމް ކަޕޫރް "ނީރާޖް" ގެނެސްދިން ރާމް މަދުވާނީ ޑައިރެކްޓް ކުރާއެއްޗެކެވެ.
View this post on Instagram
މިހާރު ބޮޑު ސްކްރީން އިން އެއްވެސް ވަރަކަށް ނުފެންނަ ބަތަލާ އެންމެ ފަހުން ފެނިގެން ދިއައީ 2010 ވަނަ އަހަރުގެ ފިލްމް "ނޯ ޕްރޮބްލަމް" އިންނެވެ. ސުޝްމިތާ، 47، ވަނީ މިދިއަ އަހަރުގެ ބައޮގްރަފިކަލް ޑްރާމާ "ތާލީ" އިން ފެނިގެން ގޮސްފައިއެވެ.
