ރިލީޒްކުރަން ތައްޔާރުވަމުން އަންނަ އަރުޖުން ކަޕޫރުގެ ފިލްމު "ކުއްތޭ" އެޅުވުމުގެ ކުރިން އައު ފިލްމް އަކަށް ސޮއި ކޮށްފިއެވެ. "ކުއްތޭ" އަކީ ވަރަށް ތަފާތު ފިލްމް އަކަށް ވާނެ ކަމަށް ބުނަމުން އަންނަ ފިލްމްއެކެވެ.
އަރުޖުންގެ އާ ފިލްމަކީ ހޯމީ އަދަޖަނިއާގެ ފިލްމެކެވެ. މި ފިލްމާއިބެހޭ މާ ބޮޑު ތަފްސީލެއް އަދި ހާމައެއް ނުކުރެއެވެ. އަރުޖުން އަތުގައި މިހާރު ވެސް ބައެއް ޕްރޮޖެކްޓްތަށް އެބަހުއްޓެވެ. އޭގެ ތެރޭގައި އެންމެ ފާހަގަ ކޮށްލެވޭ ފިލްމް އަކީ "ދަ ލޭޑީ ކިލާ"އެވެ. އަޖޭ ބާލް ޑައިރެކްޓް ކުރާ މި ފިލްމްގެ ބަތަލާއެއްގެ ގޮތުގައި ފެނިގެން ދާނީ ބޫމި ޕޭޑްނޭކަރްއެވެ.
View this post on Instagram
އަރުޖުންގެ ކުރިއަށް އޮތް ފިލްމު "ކުއްތޭ" އަކީ މި މަހު ސިނަމާތަކަށް ގެންނަން ނިންމާފައިވާ ބްލެކް ކޮމެޑީ ތުރިލާއެކެވެ. މި ފިލްމަކީ ކުޅަދާނަ ޑައިރެކްޓަރު ވިޝާލް ބަރަދްވާޖް ދަރިފުޅު އާސްމާން ބަދަރްވާޖްގެ އަލަތު ޑައިރެކްޝަނެވެ.
"ކުއްތޭ" ސިނަމާތަކަށް ގެނައުމަށް ތާވަލް ކޮށްފައިވަނީ ފެށޭ އާ އަހަރުގެ ޖެނުއަރީ މަހުގެ 13 ގައިއެވެ. ވިޝާލްގެ ފިލްމު ކުންފުންޏާއި ޑައިރެކްޓަރު ލަވް ރަންޖަންގެ ލަވް ފިލްމްސްގެ އިތުރުން ބޫޝަން ކުމާރުގެ ޓީ ސީރީޒް ގުޅިގެން ގެނެސްދޭ ފިލްމުގެ ކާސްޓުގައި އަރުޖުން ކަޕޫރް، ތައްބޫ، ނަސީރުއްދީން ޝާހް، ރާދިކާ މަދަން، ކޮންކޮނާ ސެން ޝަރުމާ، ކުމުދު މިޝްރާ އަދި ޝަރުދުލް ބަރަދްވާޖް ހިމެނެ އެވެ.
މިދިއަ އަހަރު އަރުޖުންގެ ފިލްމް އަކަށް ރިލިޒް ކުރީ "އެކްވިލްން ރިޓާންސް" އެކަންޏެވެ. މި ފިލްމްގެ ކަޝްޓުން ފެނިގެން ދިއައީ އަރުޖުން ކަޕޫރުގެ އިތުރުން ޖޯން އަބަރަހަމް އާއި ތާރާ ސުތާރިއާ އަދި ދިޝާ ޕަޓާނީއެވެ.
