2021 އަހަރު ގެެނެސްދިން ކާމިޔާބު ފިލްމް "ހަސީން ދިލްރުބާ" ގެ ދެވަނަ ބައެއް ހަދަން ނިންމައި، އޭގެ ފަސްޓްލުކް ޕޯސްޓަރު ދައްކާލައިފި އެވެ.
ކަނިކާ ދިލޮން ލިޔެ ވިނިލް މެތިއު ޑައިރެކްޓްކުރި ރޮމޭންޓިކް ތުރިލާގެ ބަތަލުންނަކީ ތާޕްސީ ޕަންނޫ އާއި ވިކްރާންތު މަސީ އަދި ހާޝްވަރުދަން ރާނޭ އެވެ. މި ފިލްމް ގެެނެސްދީފައި ވަނީ ނެޓްފްލިކސް އިންނެވެ. މި ފިލްމްގެ ދެވަނަ ބައެއް ގެނެސްދޭ އިރުގައި މި ފަހަރުގެ ފިލްމަށް ދީފައިވާ ނަމަކީ "ޕިރު އާއީ ހަސީން ދިލްރުބާ" އެވެ.
View this post on Instagram
މިފަހަރުގެ ފިލްމްވެސް ލިޔެފައިވަނީ ކަނިކާ އެވެ. ފިލްމާއި ބެހޭ ގޮތުން ވާހަކަ މީގެ ކުރިން ވާހަކަ ދައްކަމުން ތާޕްސީ ބުނެފައިވަނީ މިއީ ވަރަށް ރީތިކޮށް ލިޔެވަފައިވަ "މިސްޓްރީ" އެއް ކަމަށާއި މި ފިލްމުގައި މަސައްކަތް ކުރަން ލިބުމަކީ އޭނާއަށް ލިބުނު ވަރަށް ރަނގަޅު ތަޖުރިބާއެއް ކަމަށެެވެ. ފިލްމުގައި ދައްކުވައި ދެނީ ތާޕްސީގެ ފިރިމީހާގެ މަރުގެ "މިސްޓްރީ" އެވެ.
މި ފަހަރު ފިލްމު ޑައިރެކްޓްކުރާނީ ޖޭޕްރާދު ދެސާއީ އެވެ. އެކަމަކު އަދި ފިލްމުގެ އިތުރު ކާސްޓުންނާއި ޝޫޓިން ފަށާނެ އިރަކާއި ބެލުންތެރިންނަށް ފިލްމު ގެނެސްދޭނެ އިރެއް އިއުލާނެއް ނުކުރެ އެވެ.
އެންމެ ފަހުން ތާޕްސީ ފެނިގެން ގޮސްފައިވަނީ އަލަށް ޕްރޮޑިއުސްކޮށް، ކުޅުނު ހޮރޯ ތުރިލާ "ބްލާ" އެވެ. 35 އަހަރުގެ ބަތަލާގެ ކުރިއަށް ހުރި އެންމެ ފާހަގަ ކޮށްލެވޭ ފިލްމް އަކީ ޝާހުރުކް ހާން އާއި އެކުގައި ފެނިގެންދާނޭ ރާޖް ކުމާރު ހިރާނީ ޑައިރެކްޓް ކުރާ ފިލްމް "ޑަންކީ" އެވެ.
