މާލޭގައި މަސާޖު ޕާލާތަކުގެ ނަމުގައި ބަދު އަޚްލާޤީ ޢަމަލު ހިންގާ ތަންތަން ޢާންމުވެފައިވާ މައްސަލާގައި މުއައްސަސާތަކުން އެއްވެސްމަސައްކަތެއް ނުކުރާކަމަށް ތުހުމަތުކޮށް ޝައިޚް ޢަލީ ޒައިދު ނުރުހުން ފާޅުކުރައްވައިފިއެވެ.
ޝައިޚް ޒައިދު ކުރެއްވި ޓްވީޓެއްގައި ވިދާޅުވީ، ހަށިވިއްކާ ތަންތަން މަސާޖު ޕާލާ ނަމުގައި މީހާރު ރޯ ބަރަހަނާ އަންހެނުން ލައިގެން ފޭސްބުކްގައި އިސްތިހާރުކުރަމުންދާކަމަށެވެ. އަދި އެފަދަ ތަންތަނުން "ފުލް ބޮޑީ މަސާޖޭ، ޕްރައިވެޓް ޕާޓްސްއިން އިސްތަށި ބާލަމޭ" ކިޔާއިރު، ދެ އަތް އުރާލައިގެން މުއައްސަސާތަކުން ތިބުމަކީ ވަރަށް ވިޔާނުދާ ކަމެއްކަމަށެވެ. މިތަންތަން ބަންދުކޮށް ހުއްޓުވެންޖެހޭކަމުގައި ޝައިޚް ޒައިދު ވިދާޅުވިއެވެ.
ހަށިވިއްކާ ތަންތަން މަސާޖު ޕާލާ ނަމުގައި މީހާރު ރޯ ބަރަހަނާ އަންހެނުން ލައިގެން FB ގަ އިސްތިހާރު ޖަހައިގެން، ފުލް ބޮޑީ މަސާޖޭ، ޕްރައިވެޓް ޕާޓްސް އިން އިސްތަށި ބާލަމޭ ކިޔާ އިރު، ދެ އަތް އުރާލައިގެން މުއައްސަސާތަކުން ތިބުމަކީ ވ ވިޔާނުދާ ކަމެއް! މިތަންތަން ބަންދުކޮށް ހުއްޓުވެންޖެހޭ!
— Ali Zaid (@alizaid1000) December 31, 2022
ފަހަކަށް އައިސް މާލޭގައި މަސާޖުޕާލާތައް ޢާންމުވެ އެތަންތަނުން ހަށިވިއްކުމާއި އެނޫންވެސް ބަދުއަޚުލާޤީ އަމަލުތައް ހިންގުން ޢާންމުވެފައިވާކަމުގެ ކަންބޮޑވުން ޢާންމުން ފާޅުކުރަމުން އަންނަތާ ދުވަސްތަކެއް ވެއްޖެއެވެ. ޚާއްސަކޮށއް ރައީސް ނަޝީދުގެ ވެރިކަމުގައި މާލޭގައި މަސާޖުޕާލާތަކުގެ މައްސަ ބޮޑުވެގެން މިހާރުގެ ހޯމް މިނިސްޓަރ އިމްރާން ޢަބްދުﷲ އޭރު މުޒާހަރާކުރައްވައި ކަންބޮޑުވުން ފާޅުކުރައްވައި އުޅުއްވިކަން ފާހަގަކޮށް މިއަދު އެކަމާމެދު މާބޮޑު ކަންބޮޑުވުމެއް ފާޅުނުކުރައްވާކަމަށް ބުނެ ސޯޝަލް މީޑިއާގައި ގިނަބަޔަކު ފާޑުކިޔަމުން ދެއެވެ.
ކޮމެންޓު ފޮނުވާ