ޖުމުލަ 17 ދާއިރާއަކުން ކުޑަގިރިއަށް މުވައްޒަފުން ނަގާނެއެވެ. އޭގެތެރޭގައި ހިމެނެނީ އެގްޒެކެޓިވް ސެކްރެޓަރީއާއި އެކައުންޓެންޓާއި ރޫމް އެޓެންޑެންޓާއި ސޭލްސް އެންޑް ރިޒަރވޭޝަން ކޯޑިނޭޓަރާއި ރިސެޕްޝަނިސްޓާއި މާކެޓިން އެންޑް ޕީއާރް ކޯޑިނޭޓަރާއި މަސައްކަތު މީހުންފަދަ ދާއިރާތަކެވެ.

ކުޑަގިރިއަށް ނަގާ މުވައްޒަފުންގެ މުސާރަ ހުންނާނީ 8،500 ރުފިޔާއާއި 23،500 ރުފިޔާއާ ދެމެދުގައިކަމަށްވެސް އެޗްޑީސީން ވިދާޅުވެއެވެ.

ކުޑަގިރި ފަޅު ހިއްކާ އެ ފަޅުގައި ޕިކްނިކް އައިލެންޑު ތަރައްގީކުރަން ޕްލޭނިން މިނިސްޓްރީން އެ މަޝްރޫއު އެމްޓސީސީއާ ހަވާލުކުރީ މިދިޔަ އަހަރުއެވެ. އެ މަސައްކަތް 150 ދުވަހުގެ ތެރޭގައި ނިންމުމަށް ހަވާލުކުރީ 41.4 މިލިއަން ރުފިޔާ އަށެވެ. އެރަށުގައި އަށް ހެކްޓަރުގެ ބިން ހިއްކާ 397.27 މީޓަރުގެ ބޮޑު ހިލައިގެ ބްރޭކްވޯޓާ އަކާއި، 428.32 މީޓަރުގެ ބޮޑު ހިލައިގެ ގްރޮއިންސް އަޅާފައިވެއެވެ.