ރާއްޖޭގެ އެކި ކަންކޮކޮޅުތަކުން ބިން ލިބި، މާލެއިން ގޯތި ހޯދުމަށް ހުށައަޅަފައިވާ މީހުންނަށްގެ ޕޮއިންޓް އުނިކުރެވޭނެ އުސޫލެއް ބޭނުންވާކަމަށް ތޮއްޑޫ ދާއިރާގެ މެންބަރު ޙަސަން ޝިޔާން ވިދާޅުވެއްޖެއެވެ. ޝިޔާން މިހެން ވިދާޅުވީ، މާލޭ ރަށްވެހިންނަށް ގޯތި ދޫކުރުމަށް ސަރުކާރުން އެކުލަވައިލި ބިންވެރިޔާ އުސޫލުގައި، މާލޭ ރަށްވެހިން ކަނޑައެޅުމަށް ބަޔާންކޮށްފައިވާ ޝަރުތަކީ ޤާނޫނު އަސާސީއާއި ޚިލާފު ޝަރުތެއްކަމަށް ބުނެ ހައިކޯޓަށް ހުށަހެޅި މައްސަލަ ބެލުމުގެ އިޚުތިޞާޞު އެ ކޯޓަށް ނެތްކަމަށް ކަނޑައެޅުމާއި ގުޅިގެންނެވެ.
ޝިޔާން ވިދާޅުވީ މާލޭގެ ރަށްވެހިންގެ ނަމުގައި ރާއްޖޭގެ އެކިއެކި ކަންކޮޅުތަކުގައި ހުރި ބިން ބިމުން މާލެ ގޯއްޗަށް ލާފައިތިބި ފަރާތްތަކުގެ ޕޮއިންޓު އުނިކުރެވޭނެ އުސޫލެއް އޮންނަންޖެހޭކަމަށެވެ. އެހެންނޫނީ އެ ބިންތައް ދޫކޮށްލަން ޖެހޭކަމަށްވެސް ޝިޔާން ވިދާޅުވިއެވެ.
Malege rahvehinge namuga raajjeyge eki eki kankolhu thakuga huri bin bimun male goachah laafa thibi faraayi thakuge point uni kureveyne usool ei eba onnan jehey Ehen noonee e bin thah dhonkohlan eba jehey @AslamAslamtey https://t.co/WKgrquHNFE
— Hassan Shiyan (@HassanShiyaan) December 13, 2022
ސަރުކާރުން ވަނީ މާލޭގެ ރަށްވެހިންނަ ޚާއްޞަކޮށްގެން 300 ގޯތި ދޫކުރަން ނިންމާފައެވެ. އެ ގޯތި ދޫކުރަން ނިންމާފައިވަނީ ހުޅުމާލެއިންނާއި ގުޅީފަޅުންނެވެ.
މިއީ މާލޭގެ ރަށްވެހިންނަށް ޚާއްޞަ ގޯތިތަކެއްކަމުން އަތޮޅުތަކުގެ ރަށްޔިތުންނަށް ކުރިމަތިނުލެވޭނެއެވެ. މި އުސޫލާއި ގުޅިގެން ރާއްޖެތެރެއާއި މާލޭގެ ތަފާތުކުރުންތަކުގެ ބަހުސްވެސް ސޯޝަލް މީޑިއާގައި ގަދަވެފައިވެއެވެ.
ކޮމެންޓު ފޮނުވާ