ބޮލީވުޑްގެ ސުޕަރ ސްޓަރ ޝާހްރުކް ޚާން އުމްރާގެ އަޅުކަން އަދާކޮށްފައިވާ ކަަމަށް މީޑިއާ ރިޕޯޓްތައް ބުނެފިއެވެ.
ސަލްމާން އުމްރާގެ އަޅުކަން ކުރަން އުޅެނިކޮން ނަގައިފާ ފޮޓޯތަކެއް ވެސް ވަނީ ވައިރަލް ވެފައިއެވެ. ނަމަވެސް އުމްރާގެ އަޅުކަމާ ބެހޭ އެއްވެސް ވާހަކައެއް ޝާހްރުކްގެ ސޯޝަލް މީޑިއާ ޕްލެޓްފޯމެއްގައި ހާމަކޮށްފައެއް ނުވެއެވެ.
އާންމުވި ފޮޓޯތަކުން ޝާހްރުކް ފެންނަނީ އިހްރާމް ބަދެގެން ހުންނަ ތަނެވެ. އަދި މާސްކު އަޅައިގެން އޭނާ ހުރިއިރު، ކައިރީގައި އޭނާގެ ސެކިއުރިޓީން ކަމަށް ބެލެވޭ އިތުރު ބަޔަކު ވެސް ތިބޭ ތަން ފެނިގެން ދެއެވެ.
View this post on Instagram
އޭނާ އުމްރާގެ އަޅުކަން އަދާކުރާ މަންޒަރު ފެންނަ ފޮޓޯތަކާއި ވީޑިއޯތައް ވަނީ ސޯޝަލް މީޑިއާގައި ވަރަށް ބޮޑަށް ވައިރަލްވެފައިއެވެ. އޭނާ ވަރަށް އަވަހަށް ޖިއްދާގައި ބާއްވާ ރެޑް ސީ ފިލްމް ފެސްޓިވަލްގައި ބައިވެރިވާނެ ކަަމަށްވެސް ބުނެފައި ވެއެވެ.
އަނެއްކޮޅުން ޝާހުރުކް ހާން ވަނީ އޭނާގެ ކުރިއަށް އޮތް ފިލްމް "ޑުންކީ" ގެ ޝޫޓިންގ ވެސް ސައުދީގައި ކުރިއަށް ގެންގޮސްފައިއެވެ. އޭނަ ސައުދީ އަށް ޝޫޓިން އަށް ދިޔައީ މިދިޔަ މަހުގެ މެދުތެރޭގައިއެވެ. މިހާރު ޝޫޓިން ވަނީ ނިންމައިލައިފައިއެވެ.
ޝާހްރުކް އެންމެ ފަހުން ފެނިފައި ވަނީ އޮގަސްޓްގައި ރިލީޒްކުރި ރަންބީރް ކަޕޫރާއި އާލިއާ ބަޓްގެ ފިލްމު "ބުރައްމަސްތުރާ" ގެ ހާއްސަ ފެނިލުމަކުންނެވެ. އެއީ ބޮލީވުޑްގައި ގިން ރެކޯޑްތަކެއް މުގުރާލި ވަރަށް ކާމިޔާބު ފިލްމްއެކެވެ. އަދި ހަމަ އެއާއި އެކުގައި ޝާހުރުކް އެ ފިލްމްގައި ކުޅުނު ރޯލަށް ގިނަ ބައެއްގެ ތައުރީފް ވަނީ ލިބިގެން ގޮސްފައިއެވެ.
One Response
ނަމާދު ނުކުރާ މީހެއް ގޭގައި ބުދުބަހައްޓައިގެން އެއަށް އަޅުކަން ކުރާމީހެއް އުމުރާ ކުރީތަ ހަދާފަ އިން ފޮޓޯއަކާ ވައްތަރީ ތަލަވެފަ ހުރިމީހެއް . ދެންް ސަލްމާނު ހިޔެއް ނުވޭ މައްކާއަށް އެރުމުގެ ހުއްދަ ލިބޭނެ ހެނެއް އެތަނަށް އެތެރެވުމުގެ ހުއްދަ ދެނީ މުސްލިމުންނަށް ސަލްމާނު ކޯޓުގަ ބުނެފަވަނީ އޭނާއަކީ ހިންދޫމުސްލިމެއް ކަމަށް އޭނާގެ ބާރތްސަރޓިފިކެޓްގަަ ވެސް އޮންނަނީ އެހެން ކަމަށް.