ގަތަރުގައި މިހާރު ކުރިޔަށްދާ ވާރލްޑް ކަޕް ފުޓުބޯޅަ މުބާރާތުގައި، 3-2 އިން ސައުތު ކޮރެއާ ބަލިކޮށް ގާނާއިން މުބާރާތާއި އަލްވަދާއު ކިޔަން ޖެހުނަ ނުދީ އުއްމީދު އާ ކޮށްފިއެވެ.
މިއަދު ކުޅެވުނު މިމެޗްގައި ގާނާއިން ދެ ގޯލް ޖަހާ މެޗްގައި ލީޑް ނަގާފައި ވަނިކޮށް، ފަހަތުން އަރާ ސައުތު ކޮރެއާއިން މެޗް އެއްވަރު ކޮށްފައިވަނިކޮށް، މެޗްގައި ގާނާއަށް ކުރި ހޯދާދިނީ މޮޅު ކުޅުމެއް ދައްކާ، މިމެޗްގައި ގާނާއަށް ދެ ގޯލް ކާމިޔާބު ކޮށްދިން މުހައްމަދު ކުޑުސްއެވެ.
ވާރލްޑް ކަޕްގެ ފުރަތަމަ މެޗް ޕޯޒުގީޒާއި ދެކޮޅަށްކުޅެ ބަލިވުމުގެ ސަބަބުން މި މުބާރާތާއި އަލްވަދާއު ކިޔަން ޖެހިދާނެކަމުގެ ބިރު ހީވެފައިވި ގާނާއަށް މޮޅުވުން މަޖުބޫރު މިމެޗްގައި އެޓީމުގެ މުހައްމަދު ސަލިސުވެސް ވަނީ ގޯލެއް ކާމިޔާބު ކޮށްދީފައެވެ.
2-0 އިން ގާނާ ކުރީގައި އޮއްވާ ސައުތު ކޮރެއާއަށް އުއްމީދު އާކޮށްދިނީ އެޓީމުގެ ޗޯ ގެއު ސުން ޓީމަށް ކާމިޔާބު ކޮށްދީން ދެ ގޯލާއެކުއެވެ. ދެވަނަ ގޯލު އޭނާ ޓީމަށް ކާމިޔާބު ކޮށްދީފައިވަނީ ފުރަތަމަ ގޯލު ކާމިޔާބު ކޮށްދިންތާ 3 މިނިޓް ފަހުންނެވެ.
ސައުތު ކޮރެއާގެ ފޯރާޑް ސޮން ހުއެންއަށް މިހާތަނަށް މި މުބާރާތުގައި އަދި ގޯލެއް ކާމިޔާބު ކުރެވިފައެއް ނުވެއެވެ. ޓޮޓެންހަމްގެ ފޯރަރޑް މި މެޗްގައިވެސް ކުޅެފައިވަނީ، ޗެމްޕިއަންސް ލީގުގެ މެޗެއްގައި މިމަހުގެ ކުރީކޮޅު މާރސިލޭއާއި ދެކޮޅަށް ކުޅުނު މެޗެއްގައި ވާތު ލޮލަށް ލިބިފައިވާ ގެއްލުމަކާއި ގުޅިގެން މާސްކެއް އަޅައިގެންނެވެ.
