މިމަހުގެ 6 ވަނަ ދުވަހުގައި އަލަތު ދަރިފުޅު ލިބުން ބޮލިވުޑްގެ މަޝްހޫރު ދެ ތަރިން ކަމުގައިވާ އާލިއާ ބަޓް އާއި ރަންބީރު ކަޕޫރު ގެ ދަރިފުޅަށް ކިޔައިފާވަނަން އިއުލާން ކުރީ އިންސްޓަގްރާމްގައި އާލިއާ ހިއްސާ ކުރި ފޮޓޯއަކާއި އެކުގައިއެވެ.
އާލިއާ އާއި ރަންބީރު ދަރިފުޅާއިއެކު ފެންނަ ފޮޓޯއަކާއިއެކު ބާސިލޯނާގެ ޖާޒީއެއްގައި ދަރިފުޅުގެ ނަން ޖަހާފައިވާ ޕޯސްޓު ހިއްސާކޮށް ބުނެފައިވަނީ ދަރިފުޅަށް ކީ "ރާހާ" ކަމަށެވެ.
View this post on Instagram
މި ޕޯސްޓް އާންމުވުމާއި އެކުގައި ސްޕެެއިންގެ މަޝްހޫރު ކްލަބް، ބާސެނޯލާނާ އިން ސޯޝަލް މީޑިއާގައި ވަނީ އެމީހުންނަށް މަރުހަބާ ކިޔައިިފައިއެވެ. މިދިޔަ ހުކުރު ދުވަހުގެ ރޭ، ފްރޭމްކޮށްފައިވާ ބާސެލޯނާ ކުޑަކުޑަ ޖާޒީއެއްގައި ދަރިފުޅުގެ ނަން އިއުލާންކުރުމާއެކުގައި އެ ކްލަބުން ބުނީ ބާސެލޯނާއަށް ފޭނަކު އިތުރުވެއްޖެކަމަށެވެ.
އާލިއާގެ ސޯޝަލް މީޑިއާ އެކައުންޓްތަކުގައި އާންމުކުރި އެ ޕޯސްޓް ބާސެލޯނާގެ ރަސްމީ ޓްވިޓާ އެކައުންޓުން ޕޯސްޓްކޮށް އެ މީހުން ޓެގް ވެސްކޮށް މަރުހަބާ ކިޔުމުގެ އިތުރުން ބުނެފައިވަނީ އެމީހުނާއި ބައްދަލު ކޮށްލަން ބޭނުންވާކަމަށެވެ.
ރަންބީރަކީ ފުޓްބޯޅައަށް ވަރަށް ލޯބިކުރާ ތަރިއެކެވެ. އޭނާ ބޮލީވުޑްގެ ބަައެއް ތަރިންނާއި އެކުގައި ހަފްތާބަންދުގައި ފުޓްބޯޅަ ކުޅެން އުޅެނިކޮން ފެނެއެވެ. އަދި ރަންބީރަކީ ބަސެލޯނާ އަށް 'މަރުދޭ' ފޭންއެއް ވެސް މެއެވެ.
Congratulations, @aliaa08 & Ranbir Kapoor!! A new Barça fan is born 👶. We can’t wait to meet you all in Barcelona. pic.twitter.com/Lef3P4DPe2
— FC Barcelona (@FCBarcelona) November 25, 2022
އާލިއާ ބުނީ ދަރިފުޅަށް ނަން ދިނީ ދަރިފުޅުގެ މާމަ ކަމަށާއި ރާހާ އެ ނަމުގެ މާނަ ވެސް ވަރަށް ރީތި ކަމަށެވެ. މީގެ ކުރިން ރިޕޯޓްތަށް ބުނެފައިވާ ގޮތުގައި އެކުއްޖާއަށް ނަން ކިޔާނީ 2020 ގައި މަރުވެފައިވާ ރަންބީރްގެ ބައްޕަ ކުރީގެ މަޝްހޫރު އެކްޓަރު ރިޝީ ކޕޫރްގެ ނަމާ ގުޅުވައިގެންނެވެ. ނަމަވެސް ފެށޭ އަކުރު ފިޔަވާއި އެދެނަމުގައި އެއްވެސް ގުޅުމެއް ނެތެވެ.
އާލިއާ ވަނީ އެކި ބަސްތަކުން ރާހާގެ މާނަ ވެސް ޕޯސްޓްގައި ހިމަނާފައިވެ އެވެ. އަރަބި ބަހުން ރަހާގެ މާނަ އަކީ އަމާންކަމެވެ.
