ބޮލީވުޑްގެ ތަރި އަޖޭ ދޭވްގަން ޑައިރެކްޓްކުރި ހަތަރު ވަނަ ފިލްމު "ބޯލާ" ގެ މޯޝަން ޕޯސްޓަރު ދައްކާލައިފި އެވެ.
އޭނާ އެންމެ ފަހުން އަމިއްލައަށް ޑައިރެކްޓްކޮށް ލީޑް ރޯލް ކުޅެފައިވަނީ މިއަހަރު ނެރުނު ފިލްމު ރަންވޭ 34 ގައެވެ. އަޖޭ މިފަހަރު އިއުލާންކޮށްފައިވާ ފިލްމުގެވެސް ޑައިރެކްޓަރުގެ އިތުރުން ލީޑް އެކްޓަރަކީ އޭނާއެވެ. އަދި އޭނާއާއެކު ފިލްމުން ދެން ފެނިގެންދާނީ އޭނާގެ ގާތް ރަހުމަތްތެރިޔާ ތަބޫ އެވެ.
"ބޯލާ"ގެ ނަން ދީފައިވާ މި ފިލްމަކީ 2019 ވަނަ އަހަރުގެ ކާމިޔާބު، ތަމަޅަ އެކްޝަން ތުރިލާ "ކައިތީ"ގެ ރިމޭކެކެވެ. އެ ފިލްމުގައި ދައްކުވައިދެނީ ޖަލުން މިނިވަންވާ ގައިދީއަކު އޭނާ މިނިވަންވާ ރޭ ސްމަގުލް ގޭންގެއްގެ ކިބައިން ފުލުހުން ސަލާމަތްކުރުމަށް ކުރާ މަސައްކަތެވެ. އެކަން އޭނާ ކުރަނީ ޔަތީމުހާނާއެއްގައި ހުރި އޭނާގެ ދަރިފުޅާ ބައްދަލުކުރުމަށް ބޭނުންވާތީއެވެ. އަދި ފުލުހުން އޭނާއަށް އެކަމުގައި ވާ އެހީތެރިކަނަ ފިލްމުގައި ދައްކުވައިދެއެވެ.
View this post on Instagram
މި ފިލްމް އަކީ އަޖޭ އާއި ތާބޫ އެކުގައި ފެނިގެންދާ 9 ވަނަ ފިލްމްއެވެ. މި ފިލްްމްގައި ތައްބޫ ފެނިގެންދާނީ ފުލުހުންގެ މަތީ ރޭންކްގެ އޮފިސަރެއްގެ ގޮތުގައެވެ. އަދި މި ފިލްމުގައި ތައްބޫގެ އެކްޝަން މަންޒަރުތަކެއް ވެސް ފެނިގެންދާނެއެވެ. ފިލްމު ސިނަމާތަކަށް ގެންނަން މަސައްކަތްކުރަނީ އަންނަ އަހަރު މާރިޗު މަހުއެވެ.
މި ފިލްމުގެ ޝޫޓިންގެ ތެރެއިން މީގެ މަހެއްހާ ދުވަސް ކުރިން ތައްބޫ ވަނީ އެންޖަރީވެސް ވެފައެވެ. ފިލްމުގެ އެކްޝަން މަންޒަރެއް ނަގަނިކޮން އޭނާގެ ބުމަ މަތިން ވަނީ އަނިޔާއެއް ވެފައެވެ. ނަމަވެސް އެއީ މާބޮޑު އެންޖަރީއެއް ނޫން ކަމަށާއި އޭނާގެ ހާލު ރަނގަޅުކަމަށް ރިޕޯޓްކޯށްފައި ވެއެވެ.
AJAY DEVGN ANNOUNCES 4TH PROJECT AS DIRECTOR: 'BHOLAA'… After receiving immense appreciation for his direction in #Runway34, #AjayDevgn announces his fourth directorial #Bholaa… The high-octane, emotional drama – featuring #AjayDevgn and #Tabu – is currently in production. pic.twitter.com/0LYFRB7LZX
— taran adarsh (@taran_adarsh) July 4, 2022
އަޖޭގެ ފުރަތަމަ ޑައިރެކްޝަނަކީ 2008 ގެ ފިލްމު "ޔޫ މީ އޮރް ހަމް" އެވެ. އެއަށްފަހު 2016 ވަނަ އަހަރުގެ ފިލްމު "ޝިވާއީ" އަކީ އަޖޭގެ 2 ވަނަ ޑައިރެކްޝަނެވެ.
