’އެއިޓީ ޓޫ އީސްޓް’ގެ ނަމުގައި ބޮލީވުޑްގެ މަޝްހޫރު ބަތަލާ ދީޕިކާ ޕަދުކޯން، އޭނާގެ އަމިއްލަ ސްކިން ކެއާ ބްރޭންޑު ލޯންޗުކޮށްފި އެވެ.
މި ތަފާތު ނަމާބެހޭހޮތުން ވާހަކަ ދައްކަމުން ހުނަރުވެރި ބަތަލާ ބުނެފައިވަނީ އެއިން ރަމްޒުކޮށްދެނީ އިންޑިއާގެ ސްޓޭންޑާޑް ޓައިމް ހިމެނޭ ލޮންޖިޓިއުޑް ކަމަށެވެ. މިއަަހަރުގެ ތެރޭގައި މިފަދަ ބްރޭންޑެއް ލޯންޗް ކުރަން އުޅޭ ކަމުގެ ވާހަކަ އޭނާ ވަނީ މާޗުމަހުގެ ތެރޭގައި ދައްކައިފައިއެވެ.
ދީޕިކާ ބުނީ ސްކިން ކެއާ ބްރޭންޑުގައި ހިމެނޭ ޕްރޮޑަކްޓުތަކާ އެކު އަމިއްލަ ނަފްސަށް ކުރާ ލޯބި އިތުރުވެ، އަދި އަމިއްލަ ނަފްސާއި ސެލްފް ކެއާ އަށްދޭ ސަމާލުކަން އިތުރު ވެގެން ދާނެ ކަމަށް އުންމީދު ކުރާކަމަށެވެ.
View this post on Instagram
މި ބިއުޓީ ބްރޭންޑްގައި ހިމެނެނީ 5 ވައްތަރެއްގެ ޕްރޮޑަކްޓެކެވެ. އެއީ ކްލެންޒާ، ޓޯނާ، މޮއިޝަރައިޒާ، އައި ކްރީމް އަދި ސަން ސްކްރީން އެކެވެ. މީ ގިނަ ދުވަހުގެ ދިރަސާތަކަކަށް ފަހު ބާޒާރަށް ނެރޭ ޕްރޮޑަކްޓް ތަކެވެ.
މި ބްރޭންޑާއި އެކުގައި އަމިއްލަ ވިޔަފާރި ކުރާ ބޮލީވުޑް ތަރިންގެ ލިސްޓަށް ދީޕިކާ ގެ ނަން އިތުރު ވެގެންދާނެއެވެ. ބޮލީވުޑް ގެ ތަރިންގެ ތެރޭގައި ހިމެނޭ ކެޓްރީނާ ކައިފް އާއި އާލިއާ ބަޓް ފަދަ ތަރިންނަކީ ވެސް އަމިއްލަ ބްރޭންޑުގެ ދަށުން ވިޔަފާރީ ހިންގާ ތަރިންނެވެ.
