ސައުތުގެ މަޝްހޫރު އެކްޓްރެސް ސަމަންތާ ރޫތު ޕްރަބޫ ފުރާނައަށް ނުރައްކާވާފަދަ ބައްޔެއް ޖެހިފައިވާ ކަމަށް އޭނާ ބުނެފިއެވެ.
މީގެ ހަތަރުވަރަކަށް ދުވަސް ކުރިން އޭނާގެ އިންސްތަގްރާމްގައި ކުރި ޕޯސްޓެއްގައި ސަމަންތާ ބުނެފައިވަނީ އެހާ އާންމު ނޫން ސިއްހީ މައްސަލައެއް ކަމަށްވާ މަޔޮސައިޓިސް އަށް ފަރުވާ ހޯދަމުން ދާކަމަށެވެ. އަދި އޭނާ ހޮސްޕިޓަލްގައި ނަގައިފައިވާ މި ފޮޓޯގައި އިތުރަ ބުނީ މިއީ ގައިގެ މަސްތައް ބަލިކަށިވެ، ގަދައަށް ރިއްސުމާ އެކީ، ފަރުވާ ހޯދުން ލަސްކޮށްފިނަމަ ހާލަތު އިތުރަށް ގޯސްވާކަމެކެވެ. އެގޮތުން ހިނގުމަށާއި ކޮއްޅަށް ހުރުން ފަދަ ކަންކަމަށް ދަތިވެ، މީހާ ވެއްޓުމުގެ މައްސަލަ ވެސް ކުރިމަތިވެއެވެ.
މަޔޮސައިޓިސް އަކީ ގައިގެ މަސްތަކަށް ކުރިމަތިވާ އިންފްލެމޭޝަން އެކެވެ. މި ބަލި ޖެހެނީ ވައިރަލް އިންފެކްޝަނަކާ ގުޅިގެން ނުވަތަ ކެވޭ ބޭހެއްގެ ސަބަބުން އޮޓޯއިމިއުން ސްޓޭޓަސް ގައެވެ. އެއީ އިމިއުން ސިސްޓަމް އަށް ދިމާވާ މައްސަލައަކީ ގުޅިގެން ހަށިގަނޑަށް ދިމާވާ ސަބަބެކެވެ.
ސަމަންތާ ބުނިގޮތުގައި މި ބައްޔަށް ފަރުވާހޯދާތާ ދުވަސްކޮޅެއް ވެއްޖެކެމަށެވެ. ސަމަންތާ ބުނި ގޮތުގައި މާވަރުގަދަ މީހެއްގެ ގޮތުގައި އަބަދު މީހުންނަށް ފެންނާކަށް ނުޖެހެ އެވެ. އޭނާގެ ހަށިގަނޑުގެ ނާޒުކުކަން ދެނެގަނެ ބަލިން ސަލާމަތްވާން އަދިވެސް މަސައްކަތް ކުރަމުންދާ ކަމަށް އޭނާ ބުންޏެވެ.
ސަމަންތާ، 35، ގެ ޕޯސްޓްގައި ވަނީ އަންނަ މަހުގެ 11 ގައި ރިލީޒްކުރަން ހަމަޖެހިފައުވާ އޭނަގެ އާ ފިލްމު "ޔަޝޯދާ" ގެ ޓްރެއިލާ އަށް ފޭނުން ދެމުން އަންނަ ލޯތްބަށް ޝުކުރު ވެސް އަދާކޮށްފަ އެވެ. މި ފިލްމަކީ ސައިންސް ފިކްޝަން އެކްޝަން ތުރިލާއެކެވެ.
ސަމަންތާގެ ކުރިއަށް ހުރި ފިލްމްތަކުގެ ތެރޭގައި ބޮލިވުޑްގެ ފިލްްމްއަކުން ވެސް އޭނާ ފެނިގެންދާނެއެވެ. އެއީ ވަރުން ދަވަން އާއި އެކުގައި އޭނާ ފެނިގެންދާ ފިލްމް "ސިޓަޑެން އިންޑިއާ"އެވެ.
ކޮމެންޓު ފޮނުވާ