މިދިއަ އަހަރުގެ ކާމިޔާބު ފިލްމް "ޝޭރްޝާހް" އިން ފެނިގެންދިއަ ދެ ތަރިން ކަމުގައިވާ ސިދާތް މަލްހޮތުރާ އާއި ކިއާރާ އަދްވާނީ އެކުގައި ފެންނަން ތައްޔާރުވި ފިލްމް "އަދަލް ބަދަލް" ހެދުން މަޑުޖައްސަައިލައިފިއެވެ.
މި ފިލްމް އަކީ އެދެމީހުން އެކުގައި ކުޅުން ފިލްމް "ޝޭރްޝާހް" ގެ ޑައިރެކްޓަރު ވިޝްނުވަރްދަން ހަދަން ނިންމައިފައިވާ ފިލްމްއެކެވެ. މީ އަސަރުގަދަ ލޯބީގެ ފިލްމްއެކެވެ.
މިހާރު ބޮލީވުޑްގެ އެންމެ މަޝްހޫރު ދެ ލޯބިވެރިންގެ ގޮތުގައި ފާހަގަ ކުރެވިފައިވާ ދެތަރިން މި ފިލްމާ ބެހޭގޮތުން އަދި މިހާތަނަށް މާގިނަ މައުލުމާތެއް ހާމައެއް ނުކުރެއެވެ.
ބައެއް ރިޕޯތްތަށް ބުނާގޮތުގައި މިދެމީހުން އަންނަނީ ކުރިއަށް އޮތް ޑިސެމްބަރު މަހުގައި ކައިވެނި ކުރުމަށް ތައްޔާރު ވަމުންނެވެ. އެހެންވެ ކައިވެނީގެ ފަހުން އެ ފިލްްމ ކުޅުމަށް މަޑުޖައްސާލީ ކަމަށް ބެލެވއެވެ.
މި ދެ ތަރިން އެކުގައި ކުޅުނު ފުރަތަމަ ފިލްމަކީ ބެލުންތެރިންގެ ބޮޑު ތަރުހީބެއް ލިބުނު ފިލްމު "ޝޭރްޝާ" އެވެ. މިދިޔަ އަހަރު ގެނެސްދިން މި ފިލްމަކީ އިންޑިއާގެ ހަނގުރާމައިގެ ބަތަލެއްގެ ވާހަކަ ކިޔައިދިން ބަޔޮގްރަފިކަލް ޑްރާމާއެކެވެ.
ކިއާރާ އާއި ސިދާތު ލޯބީގެ ގޮތުން ގުޅުނީ ވެސް "ޝޭރުްޝާ"ގެ ޝޫޓިންގެ ތެރެއިންނެވެ. ދެތަރިން ލޯބިގެ ގޮތުން ގުޅިގެންއުޅުނު ކަމުގައިވިޔަސް މީޑިއާގައި މިކަން އެކަކުވެސް ސީދާ ގޮތެއްގައި ހާމަ ކޮށްފައެއް ނުވެއެވެ.
ކޮމެންޓު ފޮނުވާ