މުއާމަލާތު ކުރުމަށް ދުނިޔޭގެ އެތައް މިލިއަން މީހުން ބޭނުން ކުރަމުން އަންނަ ސޯޝަލް މީޑިއާ އެޕްލިކޭޝަންގެ ޚިދުމަތް ދުނިޔޭގެ ގިނަ ގައުމުތަކެއްގައި މެދު ކެނޑިއްޖެއެވެ.
ވަޓްސްއްޕް ވެބްސައިޓުގެ ޑައުންޑޓެކްޓަރއިން މި އެޕްލިކޭޝަންގެ ޚިދުމަތް މެދުކެނޑިފައިވާކަން މިއަދު ރާއްޖޭ ގަޑިން މެންދެރެއްހާއިރު ރިޕޯޓު ކޮށްފައެވެ. އަދި ދުނިޔޭގެ ބައެއް ގައުމުތަކުގައި ވަޓްސްއަޕްގެ ޚިދުމަތް އަޕް ކުރެވިފައެއް ނުވެއެވެ.
މިގޮތުން ދުނިޔޭގެ އެކި ކަންކޮޅުތަކުގައި ޓުވިޓަރ ބޭނުން ކުރާ މީހުންވެސް ވަނީ ވަޓްސްއަޕް ޚިދުމަތުގެ ބޭނުން ނުކުރެވޭ ކަމަށް ބުނެ، މައްސަލަތައް ރިޕޯޓު ކޮށްފައެވެ.
"ބައެއް ފަރާތްތަކަށް ވަޓްސްއަޕް ބޭނުންކޮށްގެން މެސެޖްތައް ނުފޮނުވޭކަން ވަނީ ފާހަގަ ކުރެވިފަ. ވަޓްސްއަޕް ބޭނުންކުރާ ފަރާތްތަކަށް ޚިދުމަތް އަލުން ވީހާވެސް އަވަހަކަށް ފޯރުކޮށްދެވޭތޯ މިދަނީ މަސައްކަތް ކުރަމުން،" ވަޓްއަޕް ހިންގާ މެޓަ ކުންފުނިން ބުނެފައި ވެއެވެ.
ކޮމެންޓު ފޮނުވާ